August 12, 2017 
தண்டோரா குழு
அமெரிக்காவில் காரில் விளையாடிக்கொண்டிருந்த சிறுவன், அதை தவறாக இயக்கியதால், கார் சுமார் 100 அடி பள்ளத்தில் இருந்து விழுந்தது. ஆனால் சிறுவன் அதிர்ஷ்டவசமாக உயிர் பிழைத்த சம்பவம் அனைவருக்கும் வியப்பை அளித்துள்ளது.
அமெரிக்காவின் பென்சில்வேனியா மாகாணத்தில் வான்டர்கிரிப்ட் என்னும் இடத்தில், ஒரு தாய் அவருடைய எஸ்.யூ.வி ரக காரை சுத்தம் செய்துக் கொண்டிருந்தார். அப்போது அவருடைய 2 வயது மகன், அந்த காரில் அமர்ந்து விளையாடிக்கொண்டிருந்தான். காரில் விளையாடிக்கொண்டிருந்த சிறுவன் காரை தவறுதலாக இயக்கியதால், வாகனம் கட்டுப்பாட்டை மீறி ஓடத்தொடங்கியது. அதை எப்படி நிறுத்துவது என்று அந்த சிறுவனுக்கு தெரியவில்லை. சிறிது நேரம் ஓடிய வாகனம், சுமார் 100 பள்ளத்தில் விழுந்துள்ளது. அந்த வாகனத்தை துரத்திக்கொண்டு வந்த தாய், அதை நிறுத்த முயன்றுள்ளார். எனினும் அவரால் வாகனத்தை நிறுத்த முடியவில்லை. இதனால் அவருடைய உடலில் சிறு காயங்கள் ஏற்பட்டது.
பள்ளத்தில் வாகனம் விழுந்திருந்ததை கண்ட அவர் உடனே 911 என்னும் அவசர எண்ணுக்கு தகவல் கொடுத்தார். இதையடுத்து சம்பவ இடத்திற்கு விரைந்து வந்த தீயணைப்பு வீரர்கள் அந்த வாகனத்தை மேலே கொண்டு வந்து அதிலிருந்த சிறுவனை மீட்டனர்.
அப்போது சிறுவனின் உடலில் எந்த காயமும் ஏற்படாமல் இருந்ததை கண்ட தீயணைப்பு வீரர்கள் ஆச்சரியம் அடைந்தனர். இருப்பினும், இருவரையும் அருகிலிருந்த மருத்துவமனைக்கு அழைத்து சென்றுள்ளனர். தாயுக்கு ஏற்பட்ட காயங்களுக்கு மருத்துவர்கள் சிகிச்சை அளித்தனர்.
சிறுவனை பரிசோதனை செய்த மருத்துவர்கள் 100 அடி பள்ளத்தில் இருந்து விழுந்தும் சிறுவனுக்கு எந்த காயமும் ஏறப்படாதது உண்மையாகவே ஒரு அற்புதம் என்று தெரிவித்தனர்.
மேலும், தற்போது தாயும் மகனும் சுகமாக இருப்பதாக அவர்கள் தெரிவித்தனர்.
சுத்தமான காற்று நம் எல்லா தலைமுறைக்கும் தவிர்க்க முடியாத தேவை – யூனியன் வங்கி சார்பில் நடைபெற்ற ஊழல் தடுப்பு விழிப்புணர்வு வார விழாவில் வனிதா மோகன் பேச்சு
கோவை எம் இன் ஹோட்டல்ஸில் 1 டன்கிறிஸ்துமஸ் கேக் கலவை கலக்கும் திருவிழா !
வேகா ஜூவல்லரி சார்பில் மணப்பெண்களுக்கான அழகு மிளிரும் தங்க நகை கண்காட்சி கோவையில் துவக்கம்
கோயம்புத்தூர் விழாவின் 18வது பதிப்பு கோலாகலமாக துவக்கியது
இந்தியன் வங்கியின் எம்எஸ்எம்இ வளர்ச்சி தற்போது 16-17% வரை உயர்ந்துள்ளது – இந்தியன் வங்கி சி.இ.ஓ பினோத் குமார்
விருப்பமில்லாத துறையில் சென்றால் முன்னேற்றம் இருக்காது – கோவையில் விஞ்ஞானி நம்பி நாராயணன் பேச்சு
For English News
