March 1, 2017 
தண்டோரா குழு
புதுக்கோட்டை மாவட்டம் நெடுவாசல் பகுதியில் ஹைட்ரோ கார்பன் எடுக்கும் மத்திய அரசின் திட்டத்திற்கு எதிர்ப்பு தெரிவித்து கோவையைச் சேர்ந்த இளைஞர்கள் நீதிமன்றம் முன்பு போராட்டத்தில் ஈடுபட்டனர்.
ஜல்லிக்கட்டுக்கு ஆதரவாக ஒன்றுதிரண்டு தமிழகம் முழுவதும் இளைஞர்கள் மாபெரும் போராட்டம் நடத்தினர். அதில் வெற்றியும் கண்டனர். இளைஞர்களின் அறப் போராட்டத்திற்கு உலகம் முழுவதிலுமிருந்து வாழ்த்துகள் குவிந்தன.
தற்போது புதுக்கோட்டை மாவட்டம் நெடுவாசல் பகுதியில் ஹைட்ரோ கார்பன் எடுக்க மத்திய அரசு முயற்சி செய்து வருகிறது. இந்த திட்டத்திற்கு எதிர்ப்புகள் வலுத்து வருகின்றன. நெடுவாசல் பகுதியில் ஆயிரக்கணக்கில் பொதுமக்களும் இளைஞர்களும் இணைந்து 14 நாட்களாக தொடர்ந்து போராட்டம் நடத்தி வருகின்றனர். இளைஞர்களின் இந்தப் போராட்டம் மற்ற மாவட்டங்களுக்கும் பரவி வருகிறது.
இதன் ஒருபகுதியாக, கோவை ஒருங்கிணைந்த நீதிமன்ற வளாகம் முன்பு புதனன்று காலையில் திரண்ட இளைஞர்கள் ஹைட்ரோ கார்பன் எடுக்கும் திட்டத்திற்கு எதிராக கோஷங்களை எழுப்பினர்.
மேலும், “மாட்டுக்காக வந்த நாங்கள், தமிழகத்தின் மண்ணை காக்கவும் வருவோம்” என்றும் கோஷம் எழுப்பினர். இதையடுத்து போராட்டத்தில் ஈடுபட்ட முப்பதுக்கும் மேற்பட்ட இளைஞர்களை போலீசார் கைது செய்தனர்.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
