ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

ஸ்ரீ ராமகிருஷ்ணா கலை அறிவியல் கல்லூரி சார்பில் கோவையில் தூய்மை இந்தியா விழிப்புணர்வு நிகழ்ச்சி

September 28, 2024

தண்டோரா குழு

ஸ்ரீ ராமகிருஷ்ணா கலை மற்றும் அறிவியல் கல்லூரி (SRCAS) மத்திய அரசின் ஸ்வச்சதா ஹி சேவா 2024 விழிப்புணர்வு பிரச்சாரத்தை கோவை ரேஸ் கோர்ஸ் சாலையில் தாமஸ் பார்க்கில் நடத்தியது.

இந்த பிரச்சாரம் தூய்மையை மேம்படுத்துதல் மற்றும் தூய்மை முயற்சிகளில் பங்கேற்பதில் கவனம் செலுத்துகிறது. இந்த பிரச்சாரம் முதன்முதலில் மத்திய அரசால் 2017 இல் ஸ்வச் பாரத் மிஷனின் கீழ் தொடங்கப்பட்டது, இது ஆண்டுதோறும் செப்டம்பர் 17 முதல் அக்டோபர் 2 வரை அனுசரிக்கப்படுகிறது.

கல்லூரியின் என்.எஸ்.எஸ் பிரிவைச் சேர்ந்த 600 க்கும் மேற்பட்ட மாணவர்கள் , மனித சங்கிலி, நடனம் மூலம் தூய்மை குறித்த விழிப்புணர்வை ஏற்படுத்தினர். மேலும், தங்கள் இடங்களையும், சுற்றுப்புறங்களையும் தூய்மையாக வைத்திருப்பதாகவும், குப்பை கொட்ட மாட்டோம் என்றும் உறுதிமொழி ஏற்றனர்.

இந்த நிகழ்ச்சியின் சிறப்பு விருந்தினராக கோவை வடக்கு சட்டம் மற்றும் ஒழுங்கு துணை ஆணையர் ஸ்டாலின் ஐபிஎஸ் கலந்து கொண்டார்.

எஸ்.என்.ஆர் சன்ஸ் அறக்கட்டளையின் இணை நிர்வாக அறங்காவலர் ஆர்.சுந்தர் முன்னிலை வகித்தார். NSS சென்னையின் மண்டல இயக்குநரகம், பாண்டிச்சேரி, அந்தமான் & நிக்கோபார் பிராந்திய இயக்குனர் C. சாமுவேல் செல்லையா , பாரதியார் பல்கலைக்கழகத்தின் என்எஸ்எஸ் ஒருங்கிணைப்பாளர் அண்ணாதுரை, கல்லூரி முதல்வர் சிவக்குமார், எஸ்ஆர்சிஏஎஸ் ,என்எஸ்எஸ் திட்ட அலுவலர் பிரகதீஸ்வரன் உள்ளிட்டோர் கலந்துகொண்டனர்.

நிகழ்ச்சியில் பேசிய ஆர்.சுந்தர், தூய்மை என்பது ஒரு வார்த்தை அல்ல, ஒரு மந்திரம், நாம் அனைவரும் நமது இடங்களையும் சுற்றுப்புறங்களையும் நேர்த்தியாக வைத்திருக்க முயற்சிக்க வேண்டும் என்றார். தனிப்பட்ட மற்றும் பொது இடங்களை சுத்தமாக பராமரிப்பது ஒரு சமூகத்தின் வளர்ச்சியின் தெளிவான அறிகுறியாகும் என்று அவர் தெரிவித்தார்.

கோவை வடக்கு சட்டம் மற்றும் ஒழுங்கு துணை ஆணையர் ஸ்டாலின் ஐபிஎஸ் அவர்கள், ஸ்ரீ ராமகிருஷ்ணா கலை மற்றும் அறிவியல் கல்லூரி மேற்கொண்ட இந்த முயற்சியை பாராட்டினார். “இளைஞர்கள் தூய்மைப் பணிகளில் ஈடுபடும் போது, அதைப் பார்க்கும் பொதுமக்களின் மனதிலும் இதயத்திலும் மாற்றத்தை உருவாக்கும்” என்று அவர் கருத்து தெரிவித்து, மாணவர்களின் சுறுசுறுப்பான பங்கேற்பிற்கு வாழ்த்து தெரிவித்தார்.

ஸ்ரீ ராமகிருஷ்ணா கலை அறிவியல் கல்லூரி சார்பில் கோவையில் தூய்மை இந்தியா விழிப்புணர்வு நிகழ்ச்சி

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்