January 16, 2023 
தண்டோரா குழு
கோவை வ.உ.சி. உயிரியல் பூங்கா மூடப்பட்டிருக்கும் நிலையில், இதனை அறியாத மக்கள் பொங்கல் விடுமுறை தினமாக இன்று குடும்பத்தினருடன் வந்து திரும்பி சென்றனர். மீண்டும் வ.உ.சி. உயிரியல் பூங்காவை திறக்க வேண்டும் எனவும் கோரிக்கை விடுத்தனர்.
கோவை காந்திரம் நேரு விளையாட்டு அரங்கு அருகில் உள்ள மாநகராட்சி வஉசி உயிரியல் பூங்காவில் ஊர்வன, பறப்பன, பாலூட்டிகள் என 40 இனங்களில் 400 விலங்கினங்கள் வரை உயிரியல் பூங்காவில் வைத்து பராமரிக்கப்பட்டு வருகின்றன.பொதுமக்களின் பொழுது போக்கு பூங்காவாக வஉசி பூங்கா இருந்தது. இந்நிலையில், கோவை வஉசி உயிரியல் பூங்காவுக்கான அங்கீகாரத்தை ஒன்றிய உயிரியல் பூங்கா ஆணையம் கடந்த ஆண்டு ரத்து செய்தது. இதனால், பூங்கா மூடப்பட்டுள்ளது. ஆனால் அதில் உள்ள அனைத்து விலங்குகளும் பராமரிக்கப்பட்டு வருகின்றன.
பொங்கல் விடுமுறை தினமான இன்று மக்கள் அதிகளவில் கோவை வ.உ.சி. உயிரியல் பூங்காவை காணவந்தனர். உயிரியல் பூங்கா மூடப்படிருந்த நிலையில் ஏமாற்றத்துடன் திரும்பி சென்றனர்.
இதுகுறித்து மக்கள் கூறுகையில்,
வ.உ.சி. உயிரியல் பூங்கா தான் கோவை மாநகரின் ஒரே பொழுது போக்கு பூங்கா. இதன் அங்கீகாரம் ரத்து செய்யப்பட்டது தெரியவில்லை. வழக்கம் போல் குடும்பத்தினர் உடன் வந்திருந்தோம். இது எங்களுக்கு பெரும் ஏமாற்றம். மீண்டும் வ.உ.சி. உயிரியல் பூங்கா இயக்கப்பட வேண்டும்,’’ என்றனர்.
கோவை வ.உ.சி. உயிரியல் பூங்காவை புதுப்பித்து புதிய அம்சங்களுடன் கூடிய பறவைகள் பூங்காவாக மாற்ற திட்டமிட்டப்பட்டுள்ளது என்பது குறிப்பிடத்தக்கது. மாட்டு பொங்கலை அடுத்து கோவை வ.உ.சி. உயிரியல் பூங்காவில் மாட்டு பொங்கல் கொண்டாடப்பட்டது.
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
குமரகுரு கல்லூரி மாணவர்களால் உருவாக்கப்பட்ட எரிசக்தி படகு, சர்வதேச போட்டியில் மூன்றாவது முறையாக பங்கேற்கிறது!
For English News
