October 9, 2026 
தண்டோரா குழு
இந்தியாவின் முன்னணி தனியார் கடன் சொத்து நிர்வாக நிறுவனங்களில் ஒன்றான விவ்ரிதி அசெட் மேனேஜ்மென்ட் , திட்டமிடப்பட்ட நிதி காலத்திற்குள்ளேயே மற்றும் நிதிகளின் இலக்குகளைப் பூர்த்தி செய்து, தனது ‘விண்டேஜ் II’ நிதிகளை (மூன்று பெர்ஃபார்மிங் கிரெடிட் திட்டங்களை உள்ளடக்கியது) வெற்றிகரமாக நிறைவு செய்துள்ளதாக அறிவித்துள்ளது.
இதன் மூலம்,விவ்ரிதி அசெட் மேனேஜ்மென்ட் நிறுவனம் தனது 2 நிதி விண்டேஜ்கள் வாயிலாக முதலீட்டின் மீதான அசல் மற்றும் வருமானப் பங்கீடுகள் மூலம் முதலீட்டாளர்களுக்கு ரூ.3,400 கோடிக்கும் மேல் திரும்ப வழங்கியுள்ளது. இந்த நிதிகளின் ஆயுட்காலம் பல்வேறு வணிகச் சூழல்கள், வட்டி விகிதங்கள், பணப்புழக்கம் மற்றும் புவிசார் அரசியல் பின்னணிகளைக் கொண்ட காலக்கட்டங்களைக் கடந்து செயல்பட்டுள்ளது.
இது குறித்து விவ்ரிதி அசெட் மேனேஜ்மென்ட் நிறுவனத்தின் நிறுவனரும் மேலாண்மை இயக்குநருமான வினீத் சுகுமார் கூறுகையில்,
“விண்டேஜ் II நிதிகள் 2022-ஆம் ஆண்டின் தொடக்கத்தில் தொடங்கப்பட்டு, அனைத்து நிதிப் பங்களிப்பு வாக்குறுதிகளையும் திரட்டிய பிறகு, செப்டம்பர் 2023-க்குள் தங்கள் இறுதி நிதித் திரட்டலை அறிவித்தன.இந்நிதியில் முதலீடு செய்தவர்களில் நிறுவனங்களும் (காப்பீட்டு நிறுவனங்கள், அகில இந்திய நிதி நிறுவனங்கள் – மற்றும் தனிநபர் முதலீட்டாளர்களும் குடும்ப அலுவலகங்கள் – உயர் நிகர மதிப்புள்ள நபர்கள் – அடங்குவர்.பல்வேறு நிதி விண்டேஜ்கள் வாயிலாக, விவ்ரிதி அசெட் மேனேஜ்மென்ட் நிறுவனம் மிதமான மற்றும் பாதுகாப்பு விரும்பும் இடர் சுயவிவரங்களைக் கொண்ட திட்டங்களை வழங்கியுள்ளது.
தனது விண்டேஜ் II உத்திகளில், விவ்ரிதி அசெட் மேனேஜ்மென்ட் ரூ.1,700 கோடி முதலீட்டாளர் வாக்குறுதிகளைத் திரட்டியுள்ளதுடன், இந்த நிதிகளின் வாழ்நாளில் 45-க்கும் மேற்பட்ட போர்ட்ஃபோலியோ நிறுவனங்களில் ரூ.3,500 கோடிக்கும் மேல் முதலீடு செய்துள்ளது. உள்கட்டமைப்பு (சாலைகள், துறைமுகங்கள், விமான நிலையங்கள், டிஜிட்டல்), தூய்மை ஆற்றல்), உற்பத்தி (உரம், மின்னணு சாதனங்கள்) மற்றும் சேவைகள் (தளவாடங்கள்/லாஜிஸ்டிக்ஸ், இணை-பணிப்பகுதிகள், நிதிச் சேவைகள், எண்டர்பிரைஸ் சாஸ் – போன்ற துறைகளில் செயல்படும் வணிகங்கள் இந்நிதியின் முதலீடுகளைப் பெற்றுள்ளன.
விண்டேஜ் II நிதிகள் ஒட்டுமொத்தமாக ரூ.2,260 கோடிக்கும் அதிகமான தொகையை அசல் மற்றும் வருமானமாக முதலீட்டாளர்களுக்குத் திரும்ப வழங்கி, மிதமான திட்டத்தில் தோராயமாக 15% மொத்த உள் ஈட்டு விகிதத்தை உருவாக்கியுள்ளன.அதே சமயம், பாதுகாப்பு விரும்பும் திட்டம் தோராயமாக 12% மொத்த உள் ஈட்டு விகிதத்தை வழங்கியுள்ளது. கட்டணங்கள் மற்றும் செலவுகள் போக, அனைத்து முதலீட்டாளர்களுக்கும் கிடைத்த நிகர வருவாய் மிதமான திட்டத்திற்குத் தோராயமாக 13% ஆகவும், பாதுகாப்பு விரும்பும் திட்டத்திற்குத் தோராயமாக 10.5% ஆகவும் இருந்தது.
விவ்ரிதி அசெட் மேனேஜ்மென்ட் நிறுவனத்தின் தலைமை முதலீட்டு அதிகாரியான சௌமேந்திர கோஷ் கூறுகையில்: “முதலீட்டாளர்களுக்குத் திருப்பியளிக்கப்பட்ட இந்த நிதிகளும் அவற்றின் வலுவான முடிவுகளும், முதலீட்டாளர்களின் போர்ட்ஃபோலியோக்களில் கடன்களின் முக்கியத்துவத்தையும்,இந்தச் சொத்துப் பிரிவில் முதலீடு செய்யாமல் இருப்பதனால் ஏற்படும் வாய்ப்புச் செலவையும் நிரூபிப்பதாக அமைந்துள்ளன.
கடந்த 7 ஆண்டுகளில் 2 நிதி விண்டேஜ்கள் வாயிலாக ரூ.3,400 கோடி முதலீட்டாளர்களுக்கு எதிர்பார்ப்புகளுக்கு ஏற்பத் திரும்ப வழங்கப்பட்டுள்ளது.
For English News
