November 20, 2026
தண்டோரா குழு
ஸ்டார் ஹெல்த் அண்ட் அலைடு இன்சூரன்ஸ் கம்பெனி லிமிடெட், இளம் தொழில் வல்லுநர்கள்,திருமணமான தம்பதிகள் மற்றும் வளர்ந்து வரும் குடும்பங்களின் தேவைகளுக்கேற்ப வடிவமைக்கப்பட்ட ‘யங் ஸ்டார் நியோ’ எனும் புதிய மருத்துவ காப்பீட்டுத் திட்டத்தின் அறிமுகத்தை அறிவித்துள்ளது.
புதிய அறிமுகம் குறித்து ஸ்டார் ஹெல்த்
அண்ட் அலைடு இன்சூரன்ஸ் நிறுவனத்தின் மேலாண் இயக்குநர் மற்றும் தலைமை செயல் அதிகாரி ஆனந்த் ராய் பேசுகையில்,
இத்திட்டத்தின் முக்கிய அம்சமான ‘டைம் டிராவல்’ இளம் வயதிலேயே காப்பீட்டைப் பெறுவதன் மூலம் பிரீமியம் தொகையில் வயது சார்ந்த சலுகையை இந்தியக் காப்பீட்டுத் துறையிலேயே முதன்முறையாக வழங்குகிறது. மேலும், வாடிக்கையாளர்கள் தங்களின் முதல் வேலையிலிருந்து திருமணம் மற்றும் குடும்ப வாழ்க்கை நிலைக்கு மாறும்போது, இக்காப்பீடு தொடர்ந்து அவர்களுக்குப் பயன்படும் வகையில் வெளிநோயாளி பராமரிப்பு, மனநல மேலாண்மை, உடற்பயிற்சி மையங்களுக்கான அணுகல் மற்றும் வெல்னஸ் வெகுமதிகள் போன்ற நன்மைகளையும் ஒருங்கிணைத்து வழங்குகிறது.
இளம் வயதிலேயே மருத்துவ காப்பீடு எடுக்கும் முடிவை, மருத்துவமனையில் அனுமதிக்கப்படுவதைத் தாண்டிய தேவைகளான — மருத்துவரைக் கலந்தாலோசித்தல், மனநல உதவி பெறுதல், சுறுசுறுப்பான உடற்பயிற்சி மற்றும் பிற்காலத்தில் வாழ்க்கைத் துணையையும் காப்பீட்டில் சேர்த்தல் போன்ற அம்சங்களுக்கு முக்கியத்துவம் அளிக்கும் வகையில் இத்திட்டம் வடிவமைக்கப்பட்டுள்ளது.
18 முதல் 40 வயது வரையிலான நபர்களுக்குக் கிடைக்கக்கூடிய ‘யங் ஸ்டார் நியோ’, ரூ.10 லட்சம் முதல் ரூ1 கோடி வரையிலான காப்பீட்டுத் தொகை (வரம்பில்லா காப்பீட்டுத் தொகையைத் தேர்வு செய்யும் வசதியுடன் மற்றும் ஒன்று, இரண்டு அல்லது மூன்று ஆண்டுகளுக்கான பாலிசி கால அளவுகளையும் வழங்குகிறது.யங் ஸ்டார் நியோ-வின் ‘டைம் டிராவல்’ என்ற தொழில்துறையின் முதல் அம்சமானது, வாடிக்கையாளர்களின் பாலிசி புதுப்பித்தல் பிரீமியம் தொகையை (காப்பீட்டுக் கோரல் செய்யப்படும் வரை) மாறாமல் நிலையாக வைத்திருக்க உதவுகிறது.
மேலும், காப்பீட்டுக் கோரல் செய்த பிறகும் கூட, புதுப்பித்தலின் போது வாடிக்கையாளரின் அப்போதைய உண்மையான வயதிற்கு ஏற்ப பிரீமியம் கணக்கிடப்படுவதற்குப் பதிலாக, அவர் பாலிசியில் இணைந்த வயது + 1 ஆண்டு என்ற அடிப்படையிலேயே பிரீமியம் கணக்கிடப்படும் (பொருந்தக்கூடிய விதிமுறைகளுக்கு உட்பட்டது). பெரும்பாலான வயது-அடிப்படையிலான பிரீமியம் லாக் அம்சங்கள் முதல் கிளைம் உடனேயே முடிவுக்கு வந்துவிடும்.
ஆனால், அவை எங்கு முடிகிறதோ அங்கிருந்தே இந்த ‘டைம் டிராவல்’ அம்சம் தொடங்குகிறது. தனித்துவமான சுகாதாரக் காப்பீட்டுத் துறையில் முன்னோடியாக விளங்கும் நாங்கள், டைம் டிராவல், ஃபியூச்சர் ஷீல்ட் மற்றும் ஸ்டார் த்ரைவ் ஆகியவற்றின் மூலம் இந்தத் தேவைகளை ஒன்றாகக் கொண்டு வருகிறோம். என்று கூறினார்