March 30, 2023 
தண்டோரா குழு
தி ஐ ஃபவுண்டேஷன்,கண் மருத்துவமனையின் நிறுவனர் மற்றும் தலைவர், டாக்டர் டி. ராமமூர்த்தி கூறுகையில்,
கோவையில் லாசிக் அறுவை சிகிச்சையின் 25வது ஆண்டு விழாவை அறிவிப்பதில் தி ஐ ஃபவுண்டேஷன்,கண் மருத்துவமனை, பெருமிதம் கொள்கிறது. கடந்த இரண்டரை தசாப்தங்களாக, இப்பகுதி முழுவதும் உள்ள நோயாளிகளுக்கு உயர்தர, பாதுகாப்பான மற்றும் பயனுள்ள லாசிக் அறுவை சிகிச்சையை வழங்குவதில் கண் அறக்கட்டளை முன்னணியில் உள்ளது.
தி ஐ ஃபவுண்டேஷன்,கண் மருத்துவமனை, 1,50,000மேல் வெற்றிகரமான லாசிக் அறுவை சிகிச்சைகளை செய்துள்ளது, இது பயனாளிகளுக்கு தெளிவான பார்வையை அடையவும் அவர்களின் வாழ்க்கைத் தரத்தை மேம்படுத்தவும் உதவுகிறது. தமிழ்நாடு, கேரளா மற்றும் கர்நாடகா மாநிலங்களில் அமைந்துள்ள தனது 18 கிளைகளில், 9 கிளைகள் அதிநவீன மற்றும் மேம்பட்ட லேசர் கருவி அமைப்பு கொண்டு லாசிக் சிகிச்சை அளித்து வருகின்றன.
தி ஐ ஃபவுண்டேஷன், கண் மருத்துவமனை, லாசிக் அறுவை சிகிச்சையில், பல நவீன தொழில்நுட்ப சிகிச்சை முறைகளை முதன் முதலில் அறிமுகப்படுத்திய பெருமையை கொண்டுள்ளது.இவ்வாறாக, (LASIK) லாசிக்; ஸ்மைல் (SMILE) சிறு துவார லெண்டிக்குள் எக்ஸ்ட்ராக்ஷன்; கான்டூரா எனப்படும் டோபோ கிராபியின் வழிகாட்டுதலின் பேரில் அளிக்கப்படும் சிகிச்சை; உயர்தரமிக்க (PHAKIC IOL) உள்விழி லென்ஸ்கள் போன்ற சிறந்த சிகிச்சை முறைகள் முதன் முதலில் அறிமுகப்படுத்தப்பட்டுள்ளன.
தி ஐ ஃபவுண்டேஷன்,கண் மருத்துவமனை, தனது கிளை மருத்துவமனைகளிலும் லாசிக் சிகிச்சையை நவீன தொழில்நுட்பங்கள் கொண்ட (Wavelight EX500) இஎக்ஸ் 500; (Zeiss Visumax )சைஸ் விசு மாக்ஸ்; (Schwind Amaris) ஸ்குவின்ட் அமரிஸ்; (Catalyst) கேட்டலிஸ்ட் லேசர் கண்புரை சிகிச்சை போன்றவற்றின் மூலமாக சிறந்த முறையில் சிகிச்சை அளித்து வருகிறது.
“இப்பகுதியில்25 வருட லாசிக் அறுவை சிகிச்சையின் சிறப்பைக் கொண்டாடுவதில் நாங்கள் மகிழ்ச்சியடைகிறோம்”. இந்த குறிப்பிடத்தக்க மைல்கல்லைக் குறிக்கும் வகையில், தி ஐ ஃபவுண்டேஷன், கண் மருத்துவமனை அதன் லாசிக் அறுவை சிகிச்சையின் 25வது ஆண்டு நிறைவைக் கொண்டாடும் வகையில் பல நிகழ்ச்சிகளை திட்டமிட்டு செயல்படுத்தி வருகின்றது.
இதன் தொடர்ச்சியாக இந்தியா முழுவதிலும் இருந்து 500க்கும் மேற்பட்ட கண்மருத்துவர்கள் கலந்து கொள்ளும் 2 நாள் மாநாடு ஏப்ரல் மாதம் ஒன்று மற்றும் இரண்டு தேதிகளில் கோவையில் நடைபெறுகின்றன. மேலும் நோயாளிகள் பயன் பெறும் விழிப்புணர்வு நிகழ்ச்சிகள், சமூக நலன் சார்ந்த முகாம்கள் மற்றும் லாசிக் அறுவை சிகிச்சை செய்து கொள்ளும் பயனாளிகளுக்கு சிறப்புச் சலுகைகள் ஆகியவை இதில் அடங்கும் என்றார்.
சமீபத்தில் தி ஐ ஃபவுண்டேஷன்,ஒரே நேரத்தில் பல நவீன சிகிச்சைகளான கண்ணில் ஏற்படும்ஒளிவிலகல் குறைபாட்டை சரி செய்யக்கூடிய லெண்டிக்குள்எக்ஸ்ட்ராக்சன்; லேசர் கண்புரை அகற்றம்; லேசரின் துணையுடன் செய்யக்கூடிய கருவிழி மாற்றம் போன்ற சிகிச்சை முறைகளை உள்ளடக்கிய (Ziemer Z8) ஜீமர் Z8 என்ற கருவியை அறிமுகப்படுத்தியுள்ளது மிகவும் குறிப்பிடத்தக்கதாகும்.
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
For English News
