June 10, 2022 
தண்டோரா குழு
கோவை மாநகராட்சிக்குட்பட்ட 65வது வார்டில் உள்ள சிவராம் நகரில் ரூ. 2.5 கோடி மதிப்பில் குடிநீர் மேல்நிலை தொட்டி அமைக்கப்பட உள்ளது. இந்தக் குடிநீர் மேல்நிலை தொட்டியின் கட்டுமானப் பணிகளை கோவை மாநகராட்சி மேயர் கல்பனா ஆனந்தகுமார் பூமி பூஜை செய்து பணியினை துவக்கி வைத்தார்.
இதனைத்தொடர்ந்து, கோவை மாநகராட்சிக்குட்பட்ட 32 மற்றும் 37ம் வார்டுக்கு உட்பட்ட தண்ணீர்பந்தல் மகேஸ்வரி நகர் சந்திப்பு முதல் சாலை விளாங்குறிச்சி பாலம் வரை சுமார் 3 கிலோ மீட்டர் தூரத்திற்கு ரூ.5 கோடியே 28 லட்சம் மதிப்பில் அமைக்கப்பட்டு வரும் தார்சாலை பணியினை கோவை மாநகராட்சி மேயர் கல்பனா ஆனந்தகுமார் மற்றும் மாநகராட்சி கமிஷனர் பிரதாப் ஆகியோர் நேரில் சென்று தார் சாலையின் தரம் குறித்து ஆய்வு மேற்கொண்டனர்.
இது குறித்து மாநகராட்சி கமிஷனர் பிரதாப் கூறியதாவது:
24*7 குடிநீர் திட்டம் மற்றும் இந்தியன் ஆயில் காப்பரேசன் மூலம் கேஸ் பைப்லைன் அமைக்கும் பணியினை ஒருவார காலத்திற்குள் முடிக்கவும், தார் சாலை பணிகளை தரமானதாக அமைத்து வெகு விரைவில் பொதுமக்கள் பயன்பாடிற்கு கொண்டுவரவும் சம்மந்தபட்ட அலுவலர்களுக்கு உத்தரவிடப்பட்டுள்ளது.
இவ்வாறு அவர் கூறினார்.
இந்நிகழ்வில் துணை மேயர் வெற்றிசெல்வன், மத்திய மண்டல தலைவர் மீனா லோகு, கிழக்கு மண்டல தலைவர் இலக்குமி இளஞ்செல்வி கார்த்திக், உதவி கமிஷனர் மாரிச்செல்வி, பணிகள் குழுத்தலைவர் சாந்தி முருகன், உதவி கமிஷனர் சங்கர், உதவி நகரமைப்பு அலுவலர் ஜெயலட்சுமி, உதவி செயற்பொறியாளர் சுந்தர்ராஜன், உதவி பொறியாளர் ரமேஷ் கவுன்சிலர் ராஜேஸ்வரி மேகநாதன் மற்றும் மாநகராட்சி அலுவலர்கள் பலர் கலந்து கொண்டனர்.
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
For English News
