July 27, 2017 
தண்டோரா குழு
ராணுவத்தில் திருநங்கைகள் சேர்வதற்கு தடை விதித்த அமெரிக்க அதிபர் டொனால்ட் ட்ரம்பின் முடிவுக்கு ஆப்பிள், கூகுள் மற்றும் பேஸ்புக் ஆகிய நிறுவனங்கள் கண்டனம் தெரிவித்துள்ளன.
அமெரிக்க முன்னாள் அதிபர் பராக் ஒபமா, திருநங்கைகளும் ராணுவத்தில் பணிபுரியும் வகையில் புதிய சட்டத் திருத்தம் ஒன்றை கொண்டு வந்திருந்தார். ஆனால், தற்போது இந்த சட்டத்தை மாற்ற உள்ளதாகவும் ராணுவத்தில் பணிபுரிய திருநங்கைகளுக்கு அனுமதி இல்லை என்றும் அதிபர் டொனால்ட் ட்ரம்ப் அறிவித்துள்ளார்.ட்ரம்ப்பின் இந்த அறிவிப்புக்கு எதிராக அமெரிக்காவின் பல்வேறு பகுதிகளிலும் போராட்டங்கள் நடத்தப்பட்டு வருகின்றன. இதற்கிடையில், ட்ரம்ப்பின் இந்த அறிவிப்புக்கு ஆப்பிள், கூகுள் மற்றும் பேஸ்புக் ஆகிய நிறுவனங்கள் கண்டனம் தெரிவித்துள்ளன.
இதுதொடர்பாக ஆப்பிள் நிறுவன தலைமை செயலதிகாரி டிம் குக் ட்விட்டரில் தனது டுவிட்டர் பக்கத்தில்,
நாட்டுக்காக சேவை செய்யும் அனைவருக்கும் நாம் நன்றிக் கடன்பட்டுள்ளோம். இதில், யாருக்கு பாரபட்சம் காட்டினாலும், அது நமக்கே பின்னடைவு எனக் கூறியுள்ளார்.
கூகுள் நிறுவன தலைமைச் செயலதிகாரி சுந்தர்பிச்சை கூறும்போது,
ராணுவத்தில் திருநங்கைகளின் பங்களிப்புக்கு நன்றி தெரிவித்துக் கொள்வதாகவும் ராணுவத்தில் திருநங்கைகளும் பணியாற்ற அனுமதி அளிக்க வேண்டும் என்றும் கேட்டுக் கொண்டுள்ளார்.
அதைபோல், திருநங்கைகளுக்கு ஆதரவாக கருத்து தெரிவித்துள்ள பேஸ்புக் நிறுவனர் மார்க் ஸக்கர்பெர்க்,
நாட்டுக்கு சேவை செய்ய அனைவருக்கும் உரிமை உண்டு என்று தெரிவித்துள்ளார்.
கோவையில் தேசிய அளவிலான இந்திய பாரா கிரிக்கெட் லீக் போட்டி ஐபிசிஎல் 2.0 – மும்பை ரோட்டரி டவுன்டவுன் டைகர்ஸ் அணி வெற்றி
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
For English News
