August 28, 2023 
தண்டோரா குழு
மேட்டுப்பாளையம் சிறுமுகை ரோடு ஸ்ரீரங்கராயன் ஓடை பகுதியை சேர்ந்தவர் கந்தவேல் (30).இவருக்கும் அதே பகுதியை சேர்ந்த சச்சின் என்பவருக்கும் முன்விரோதம் இருந்து வந்துள்ளது.
இந்த நிலையில் நேற்று முன் தினம் இரவு 11 மணி அளவில் சிறுமுகை ரோடு ஸ்ரீ ரங்கராயன் ஓடை அருகே கந்தவேல் மது அருந்திக்கொண்டு நின்றுள்ளார். அப்போது அங்கு வந்த அதே பகுதியை சேர்ந்த சச்சின், திலீப், கவின், விக்கி மற்றும் விபின் பிரசாத் ஆகியோர் மது போதையில் கந்தவேலிடம் தகராறில் ஈடுபட்டனர். ஒரு கட்டத்தில் ஒருவருக்கொருவர் தாக்கிக் கொண்டுள்ளனர்.
அப்பொழுது சச்சின் தான் மறைத்து வைத்திருந்த அறிவாளையை எடுத்து கந்தவேலை கை மட்டும் இடுப்பு பகுதிகளில் வெட்டினார். இதில் பலத்த காயமடைந்த கந்தவேல் கீழே விழுந்தார். உடனடியாக அக்கம் பக்கத்தினர் அவரை மீட்டு முதலுதவி சிகிச்சைக்காக மேட்டுப்பாளையம் அரசு மருத்துவமனைக்கு அனுப்பி வைத்தனர். அங்கிருந்து மேல் சிகிச்சைக்காக கோவை அரசு மருத்துவமனைக்கு அனுப்பி வைக்கப்பட்டார்.
இது குறித்து மேட்டுப்பாளையம் காவல்துறையினர் வழக்குப்பதிவு செய்து தப்பியோடிய சச்சின், தீலிப், விக்கி, விபன் ஆகியோரை நேற்று கைது செய்தனர்.
சச்சினின் அக்கா வர்ஷினி பிரியா கொலை செய்யப்பட்டு இறந்த சம்பவத்தில் கந்தவேலுக்கு தொடர்பு உள்ளதாக கூறப்படுகிறது.இதற்கு பலி தீர்க்கவே சச்சின்,கந்தவேலை கத்தியால் வெட்டியுள்ளார் என போலீசார் தெரிவித்தனர்.
For English News
