January 30, 2019 தண்டோரா குழு
கோவையில் நடைபெற்ற மெஷினரி மற்றும் டூல்ஸ் சங்கத்தின் செயற்குழு கூட்டத்தில்,மெஷினரி டிரேடர்ஸ் விற்பனை செய்யப்படும் சாதனங்களுக்கு தற்போது
உள்ள 18 சதவீத வரியை 5 சதவீதமாக குறைக்க வலியுறித்தி தீர்மானம் நிறைவேற்றப்பட்டது.
கோவை மெஷினரி டிரேடர்ஸ் மற்றும் டூல்ஸ் சங்கத்தின் செயற்குழு கூட்டம் கோவை கேரளா கிளப் அரங்கில் நடைபெற்றது. சங்கத்தின் தலைவர் நடராஜன் தலைமையில் நடைபெற்ற இதில் செயலாளர் ஹரி பூஷணம் வரவேற்று பேசினார். கூட்டத்தில் தற்போது மெஷினரி டிரேடர்ஸ் மற்றும் டூல்ஸ் விற்பனையாளர்களால் விற்கப்படும் சாதனங்களுக்கு தற்போது விதிக்கப்பட்டுள்ள 18 சதவீத gst வரியை 5 சதவீதமாக குறைக்க வலியுறுத்தியும், விற்பனையாளர்கள் மாதாந்திர தாக்கல் படிவம் முறையினை எளிமைப்படுத்த வேண்டி ஜி.எஸ்.டி கவுன்சிலை வலியுறுத்துவது உள்ளிட்ட பல்வேறு தீர்மானங்கள் நிறைவேற்றப்பட்டன.
இந்த கூட்டத்தில் கோவை உட்பட பல்வேறு பகுதிகளை சேர்ந்த மெஷினரி டிரேடர்ஸ் மற்றும் டூல்ஸ் விற்பனையாளர்கள் பலர் கலந்து கொண்டனர்.