February 8, 2019 
தண்டோரா குழு
கடந்த காலத்தில் முதல்வரைச் சந்தித்து தான் சிரமமாக இருக்கும் தற்போது தலைமைச் செயலரை சந்திப்பதே சவாலாக உள்ளது என மார்க்சிஸ்ட் கம்யூனிஸ்ட் கட்சியின் மத்திய குழு உறுப்பினர் உ.வாசுகி கூறியுள்ளார்.
மார்க்சிஸ்ட் கம்யூனிஸ்ட் கட்சியின் மத்திய குழு உறுப்பினரும் மாதர் சங்கத்தின் அகில இந்திய துணை தலைவருமான உ.வாசுகி கோவையில் இன்று செய்தியாளர்களை சந்தித்து பேசினார்.
அப்போது பேசிய அவர்,
தமிழக அரசு தாக்கல் செய்துள்ள பட்ஜெட்டில் சில்லறை மதுபானகடைகள் மூடப்படுவதாக அரசு அறிவித்துள்ளதில் நம்பிக்கை இல்லை. சமீபத்தில் தமிழக அரசு பொங்கல் திருவிழாவை முன்னிட்டு அனைத்து ரேஷன் கார்டுகளுக்கும் ஆயிரம் ரூபாய் வழக்கியது. இதில் பல பேருக்கு கிடைக்கவில்லை என்கிற விமர்சனம் இருந்தாலும் மறுபுறம் செலவழித்த நிதியை காட்டிலும் கூடுதலாக டாஸ்மாக்கிலிருந்து வருமானத்தை பெற்றுள்ளது என்பது வேதனையான விஷயமாகும். இடது கையில் கொடுத்துவிட்டு வலது கையில் பிடுங்குவது என்பதே அரசின் கொள்கையாக உள்ளது. ஆண்டுக்கு இரண்டு கோடி பேருக்கு வேலை தருவோம் என்கிற வாக்குறுதி அளித்த பிரதமர் நேற்று நாடாளுமன்றத்தில் பல லட்சம் வேலை வாய்ப்பு ஏற்பட்டுத்தப்பட்டுள்ளதாக அறிவித்து நாடகமாடுகிறார். 45 ஆண்டு காலத்தில் இல்லாத அளவிற்கு வேலையின்மை கொடுமை அரங்கேறி வருகிறது. மறுபுறம் வேலையின்மை குறித்த கணக்கெடுப்பை வெளியிடாமல் மோடி அரசு தடுத்து வருகிறது. 10 கோடி பேருக்கு வேலை கொடுத்தாக தேர்தல் வாக்குறுதியில் கூறியதை நிறைவேற்றவில்லை வேலையின்மை குறித்த ஆண்டு அறிக்கை வெளியிடப்படாமல் மத்திய அரசு தடுத்துள்ளது சந்தேகத்தை ஏற்படுத்துகிறது.
45 ஆண்டுகளுக்கு இல்லாத அளவில் வேலையிண்மை ஏற்பட்டுள்ளதாக சில ஆய்வு அறிக்கையில் குறிப்பிடபட்டுள்ளது. வேலையின்மையால் மிக பெரிய கலவரம் ஏற்படும் அபாயம் ஏற்பட்டுள்ளது. தமிழ்நாட்டில் நடைபெற்ற இரண்டாவது முதலீட்டாளர்கள் மாநாட்டின் மூலம் அதிக முதலீடுகள் வந்துள்ளதாக கூறும் தொழில்துறை அமைச்சர் முதலீட்டாளர்கள் மாநாடு மூலம் எவ்வளவு வேலை வாய்ப்பு உருவாக்கப்பட்டுள்ளது என்பது குறித்து வெள்ளை அறிக்கை வெளியிட
வேண்டும் என வலியுறுத்தினார்.
பெண்களுக்கு எதிரான குற்றங்களை தடுக்க விஷாகா கமிட்டி அமைக்க நடவடிக்கை எடுக்க வலியுறுத்தி மாதம் ஒரு முறை காவல்துறையினர் மாதர் சங்கம், பெண்கள் இயக்கம் இடையே சந்திப்பு கூட்டம் நடத்த ஆட்சியருக்கு வலியுறுத்த உள்ளோம். தமிழகத்தில் அமைச்சர்கள் ஆட்சி நடத்துகிறார்களா அல்லது தலைமைச் செயலர் கிரிஜா வைத்தியநாதன் ஆட்சி செய்கிறாரா என்கிற கேள்வி எழுந்துள்ளது. பெண்கள் சந்திக்கும் பிரச்சினைகள் குறித்து தலைமைச்செயலாளரை சந்திக்க ஐந்து முறை கடிதம் எழுதியும் இதுவரை நேரம் கொடுக்கவில்லை. கடந்த காலத்தில் முதல்வரைச் சந்தித்து தான் சிரமமாக இருக்கும் தற்போது தலைமைச் செயலரை சந்திப்பதே சவாலாக உள்ளது என்றார்.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
