October 24, 2026 
தண்டோரா குழு
இந்தியாவில் உருவாக்கப்பட்டு, என்பிசிஐ பிஎச்ஐஎம் நிறுவனத்தால் உருவாக்கப்பட்ட பிஎச்ஐஎம் பேமெண்ட்ஸ் செயலி, தனது ‘மீத்தி தீபாவளி’ பிரச்சாரத்தின் மூன்றாவது பதிப்பின் மூலம் தீபாவளிப் பண்டிகையின் மகிழ்ச்சியைப் பரவலாக்கி வருகிறது.
இந்தப் பிரச்சாரத்தின் ஒரு பகுதியாக, அக்டோபர் 19 முதல் நவம்பர் 8 வரை, பயனர்கள் பிஎச்ஐஎம் செயலி மூலம் மேற்கொள்ளும் ஒவ்வொரு ஏழாவது பரிவர்த்தனைக்கும், கல்வி கற்பதற்கான ஆதரவு தேவைப்படும் குழந்தைகளுக்குப் பள்ளிப் பொருட்கள் அடங்கிய தொகுப்புகளை வழங்குவதற்காக பிஎச்ஐஎம் பேமெண்ட்ஸ் செயலி பங்களிப்பு அளிக்கும்.இந்தப் பிரச்சாரத்திற்காக, கல்வி, சமூக மேம்பாடு மற்றும் பேரிடர் நிவாரணம் உள்ளிட்ட துறைகளில் நாடு முழுவதும் நீண்டகாலமாக மனித கண்ணியத்தைப் பாதுகாக்கும் நோக்கில் பல்வேறு சமூக நலப் பணிகளை முன்னெடுத்து வரும் அமைப்பான கூஞ்ச் உடன் பிஎச்ஐஎம் செயலி கூட்டாண்மை அமைத்துள்ளது.
அன்றாடப் பணப் பரிவர்த்தனைகளுக்கு பிஎச்ஐஎம் செயலியைப் பயன்படுத்துவதன் மூலம், அதிக எண்ணிக்கையிலான குழந்தைகளுக்குக் கல்விக்குத் தேவையான அத்தியாவசியப் பொருட்கள் கிடைக்கச் செய்யும் கூட்டு முயற்சியில் பங்கேற்குமாறு நுகர்வோரை ஊக்குவிப்பதே இந்தப் பிரச்சாரத்தின் நோக்கமாகும்.இந்த முயற்சியைப் பற்றி, கௌரவ் கொச்சார், சீஃப் ஆஃப் பிசினஸ், என்பிசிஐ பிஎச்ஐஎம் “ஒரு கொண்டாட்டம் மற்றவர்களின் வாழ்க்கையில் மகிழ்ச்சியை ஏற்படுத்தும்போதுதான் அதன் உண்மையான மகிழ்ச்சி முழுமையடைகிறது என்பதைத் தீபாவளி நமக்கு நினைவூட்டுகிறது.
‘மீத்தி தீபாவளி 2026’ பிரச்சாரத்தின் மூலம், டிஜிட்டல் பணப்பரிவர்த்தனை போன்ற எளிய செயலையும் குழந்தைகளின் கல்வி போன்ற அர்த்தமுள்ள நோக்கத்தையும் இணைத்து, அந்த மகிழ்ச்சியை இன்னும் பலரிடம் கொண்டு சேர்க்க விரும்புகிறோம். ஒவ்வொரு குழந்தைக்கும் கல்வி கற்கவும், வளர்ச்சியடையவும், ஒளிமயமான எதிர்காலத்தைக் கனவு காணவும் வாய்ப்பு கிடைக்க வேண்டும். கூஞ்ச் அமைப்புடனான எங்கள் கூட்டாண்மை இந்த நம்பிக்கையைச் செயல்பாட்டில் வெளிப்படுத்துகிறது.
பிஎச்ஐஎம் செயலி மூலம் மேற்கொள்ளப்படும் அன்றாடப் பரிவர்த்தனைகளை, குழந்தைகளுக்குத் தேவையான அத்தியாவசியக் கல்விப் பொருட்களை வழங்குவதற்கான வாய்ப்பாக இது மாற்றுகிறது. ‘பாரத் கா அப்னா பேமெண்ட்ஸ் ஆப்’ என்ற வகையில், மக்களை மையமாகக் கொண்டு தொழில்நுட்பம் உருவாக்கப்படும்போது, சிறிய செயல்கள்கூட சமூகத்தில் அர்த்தமுள்ள மாற்றத்தை ஏற்படுத்த உதவும் என்று நாங்கள் நம்புகிறோம்” என்றார்.
For English News
