December 10, 2021 
தண்டோரா குழு
கோவை மாநகராட்சியில் ரூ.44 கோடி மதிப்பிலான பணிகளுக்கு ஒப்பந்தப்புள்ளி கோரப்பட்டுள்ளதாக மாநகராட்சி ஆணையர் ராஜகோபால் சுன்கரா தெரிவித்தார்.
இது குறித்து, அவர் செய்தியாளர்களிடம் கூறியதாவது:
மாநகராட்சிப் பகுதிகளில் உள்ள சாலைகளில் சீரமைப்புப் பணிகள் தீவிரமாக மேற்கொள்ளப்பட உள்ளன. டியூஆர்ஐபி திட்டத்தின் கீழ் ரூ.10 கோடி, டிஎன்எஸ்யூடிபி திட்டத்தின் கீழ் ரூ.34 கோடி என மொத்தம் ரூ.44 கோடிக்கு, மேற்கொள்ள வேண்டிய பணிகளுக்கு ஒப்பந்தப்புள்ளி கோரப்பட்டுள்ளது.
இதில், 289 பணிகளுக்கு 80 கிலோ மீட்டருக்கு சாலை பணிகள் மேற்கொள்ளப்பட உள்ளன. ரூ.20 கோடிக்கு தெருவிளக்குகள் அமைக்கும் பணிகளுக்கான ஒப்பந்தப்புள்ளி பணிகளும் நடைபெற்று வருகின்றன. இதுதவிர, அரசுத் திட்டங்களில் ரூ.200 கோடி மதிப்பிலான சாலைகள் மற்றும் இணைப்பு சாலை பணிகளுக்காகவும், சூரிய மின்சக்தி திட்டத்திற்காகவும் அரசிடம் கருத்துரு சமர்பிக்கப்பட்டுள்ளது.
நமக்கு நாமே திட்டத்தின் கீழ் மசக்காளிபாளையம் மாநகராட்சி நடுநிலைப்பள்ளியில் கூடுதல் கட்டடம் அமைப்பதற்கும், குளங்கள் தூர்வாரும் பணிகளுக்கும் கருத்துரு சமர்பிக்கப்பட்டுள்ளதது. அதற்கான நிதியை கோவை வ.உ.சி.பூங்காவில் நடைபெற்ற விழாவில் முதல்வர் வழங்கியுள்ளார். பணிகள் விரைவில் மேற்கொள்ளப்படும் என்றார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
