June 21, 2017 
தண்டோரா குழு
தமிழகம் மாற்றும் மகாராஷ்டிராவில் தனது கட்டுப்பாட்டின் கீழ் இருக்கும் பல்கலைக்கழகங்களில் மாணவர்களுக்கு யோகா பாடம் கற்றுத்தரப்படும் என்று தமிழக பொறுப்பு ஆளுநர் வித்யாசாகர் ராவ் தெரிவித்துள்ளார்.
உலகம் முழுவதும் இன்று சர்வதேச யோகா தினம் கொண்டாடப்படுகிறது. இதனை முன்னிட்டு நாடு முழுவதும் இன்று பல இடங்களில் யோகா நிகழ்ச்சி கொண்டாடப்பட்டது.
இதன் ஒரு பகுதியாக கோவை ஈஷா யோகா மையத்தில் நடைபெற்ற நிகழ்ச்சியில் தமிழக பொறுப்பு ஆளுநர் வித்யாசாகர் ராவ் பங்கேற்றார்.
இந்நிகழ்ச்சியில் அவர் பேசியதாவது;
“சர்வதேசயோகா தினத்தின் நோக்கம் ஆரோக்கியமான இந்தியாவை உருவாக்க வேண்டும் என்பது தான்.யோகாவை இந்தியா உலக மக்களுக்கு பரிசாக அளித்துள்ளது. போதைக்கு அடிமையாக உள்ள இளைஞர்களை போதைப் பழக்கத்தில் இருந்து தடுக்கும் கருவியாக யோகா உள்ளது.
தமிழகம் மாற்றும் மகாராஷ்டிராவில் எனது கட்டுப்பாட்டின் கீழ் இருக்கும் பல்கலைக்கழகங்களில் மாணவர்களுக்கு யோகா பாடம் கற்றுத்தரப்படும்” என்றார்.
For English News
