March 21, 2017 
தண்டோரா குழு
சர்வதேச மகிழ்ச்சி தினம் மார்ச் 2௦-ம் தேதி கொண்டாடப்பட்டது. இத்தினத்தை முன்னிட்டு ஐக்கிய நாடுகள் சபை உலகின் மகிழ்ச்சியான நாடுகளின் பட்டியலை வெளியிட்டது. இதில் உலகளவில் மகிழ்ச்சியான நாடுகளின் பட்டியலில் நார்வே முதலிடம் பிடித்துள்ளது.
ஒரு நாட்டின் தனி நபர் வருமானம், ஆரோக்கியம், சமூக ஆதரவு, சுதந்திரம், மக்களின் நிலை, ஆயுட்காலம், பெருந்தன்மை மற்றும் ஊழல் உணர்வுகள் ஆகியவற்றை மகிழ்ச்சியின் அளவு கோல்களாக எடுத்துக்கொள்ளப்பட்டன.
155 நாடுகளில் ஆய்வு நடத்தப்பட்டு இந்த பட்டியல் திங்கள்கிழமை(மார்ச் 2௦) வெளியிடப்பட்டது. கடந்த நான்கு ஆண்டுகளாக,டென்மார்க் நாடு தொடர்ந்து முன்னிலையிலிருந்தது. ஆனால் இந்த ஆண்டு நார்வே முதல் இடத்தை பிடித்துள்ளது. கடந்த ஆண்டு இருந்த நிலையிலிருந்து மூன்று இடம் முன்னேறி இவ்வாண்டு நார்வே முதல் இடத்தை பிடித்துள்ளது என்பது குறிப்பிடத்தக்கது.
இந்த ஆய்வின்படி இந்தியாவின் அண்டைய நாடுகளான சீனா 79-வது இடத்திலும், பாகிஸ்தான் 80-வது இடத்திலும், நேபால் 99-வது இடத்திலும், வங்கதேசம் 11௦-வது இடத்திலும் உள்ளது.
கடந்த ஆண்டு வெளியிடப்பட்ட பட்டியலில் 118-வது இடத்தில் இருந்த இந்திய தற்போது 122-வது இடத்திற்கு தள்ளப்பட்டுள்ளது.
மகிழ்ச்சியான நாடுகளின் பட்டியலில் முதல் 1௦ இடத்தை பிடித்த நாடுகள் நார்வே,டென்மார்க், ஐஸ்லாந்து, சுவிட்சர்லாந்து, பின்லாந்த், நெதர்லாந்து, கனடா, நியூசிலாந்து, ஆஸ்திரேலியா, மற்றும் ஸ்வீடன் ஆகும்.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
