August 10, 2020 
தண்டோரா குழு
கோவை வடவள்ளி பகுதியைச் சேர்ந்தவர் அரசு. இவர் கோவை காளம்பாளையம் பகுதியில் உள்ள ஊராட்சி ஒன்றிய நடுநிலைப் பள்ளியில் அறிவியல் ஆசிரியராக பணியாற்றி வருகிறார். இன்று கோவை மாவட்ட ஆட்சியரை சந்தித்து மனு ஒன்றை அளித்தார்.
அதில் எல்லையில் போரில் கலந்து கொள்ள தன்னை அனுமதிக்க வேண்டும் என கேட்டு ஆட்சியரிடம் மனு அளித்ததாக தெரிவித்தார்.
இதன் பின்னர் செய்தியாளர்களிடம் பேசுகையில்,
இந்தியா சீனா இடையே போர் ஏற்பட்டால் அதில் தான் கலந்து கொண்டு உயிர் தியாகம் செய்ய தயாராக இருப்பதாகவும் தன்னை இராணுவத்தினருடன் இணைந்து பணியாற்ற அனுமதிக்க வேண்டும் என்றார். இந்தியா சீனாவிற்கு இடையே போர் ஏற்பட்டால் இந்தியாவின் தென்கோடியில் உள்ள தமிழகத்தின் கோவை மாவட்டத்திலிருந்து முதல் ஆளாக லடாக் பகுதிக்கு சென்று நமது இந்திய ராணுவ வீரர்களுடன் சேர்ந்து போர் புரிய தான் விரும்புவதாக கூறிய அவர் பள்ளிப்பருவம் முதல் கல்லூரி வரை தேசிய மாணவர் படையில் சேர்ந்து பயிற்சி பெற்று உள்ளதாக தெரிவித்தார்.
For English News
