January 7, 2017 
தண்டோரா குழு
புது தில்லில் உள்ள மெட்ரோ ரயில்களில் பெண்கள் கத்தியை எடுத்துச் செல்ல மத்திய தொழிற்சாலை பாதுகாப்பு படை (CISF) அதிகாரிகள் அனுமதி அளித்துள்ளனர்.
தற்போது புது தில்லியில் பெண்களுக்குப் பாதுகாப்பு இல்லாத நிலை காணப்படுகிறது. புது தில்லி மெட்ரோ ரயில்நிலையங்களில் பாதுகாப்புப் பணியில் மத்திய தொழிற்சாலை பாதுகாப்பு படை ஈடுபடுகிறது. பெண்கள் ஆபத்திலிருந்து தங்களைக் காத்துக் கொள்ள ரயில்களில் கத்தியை எடுத்து செல்ல அனுமதி வழங்கப்பட்டுள்ளது.
இது குறித்து மத்திய தொழிற்சாலை பாதுகாப்பு படைஅதிகாரி கூறியதாவது:
“பெண்களுக்கு எதிராக வன்முறைகள் அதிகரித்துள்ளதால், தில்லி மெட்ரோ ரயில்களில் நான்கு அங்குலத்திற்கு குறைவான நீளமுள்ள கத்திகளைப் பெண்கள் எடுத்துச் செல்ல அனுமதி வழங்கியுள்ளோம். சிறிய கத்திகளால் பாதுகாப்பு அபாயம் இல்லை. மாறாக பெண்களுக்குப் பாதுகாப்புத் தரும் அதை அனுமதித்துள்ளோம்.
மெட்ரோ ரயில்களில் பயணம் செய்யும் போது பெண்கள் சந்திக்கும் பிரச்சனைகளை சிஐஎஸ்எப் அதிகாரிகள் ஆய்வு செய்தனர். அதன் பின்னரே இந்த ஏற்பாடுகள் செய்யப்பட்டன.
இதற்கான முடிவு கடந்த அக்டோபர் மாதம் எடுக்கப்பட்டது. இதைப் போல், பாதுகாப்பு காரணமாக தீப்பெட்டி, சிகரெட் லைட்டர் ஆகியவை மெட்ரோ ரயில்களில் அனுமதிப்பது குறித்தும் பரிசீலிக்கப்பட்டு வருகிறது.
இத்தகைய கருவிகளை எடுத்துச் செல்லும்போது, அது குறித்த விவரத்தைப் பயணிகள் பதிவு செய்யவும் ஏற்பாடு செய்யப்படும்.
இவ்வாறு அவர் தெரிவித்தார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
