December 26, 2018 
தண்டோரா குழு
புதுச்சேரியில் புத்தாண்டை வரவேற்கும் வகையில் பேக்கரி ஒன்றில் 7 அடி உயரத்தில் சாக்லெட்டால் செய்யப்பட்ட ஸ்பைடர்மேன் சிலை காட்சிக்கு வைக்கப்பட்டுள்ளது.
மிஷன் வீதியில் உள்ள ஜூகா (zukaa) என்கிற சாக்லேட் பேக்கரியில், ஆண்டுதோறும் புத்தாண்டை வரவேற்று, பல்வேறு பிரபலங்களின் உருவங்களை சாக்லெட்டால் வடிவமைப்பது வழக்கம். அந்த வகையில், இந்த ஆண்டு, 7 அடி உயரத்தில் சாக்லெட்டைக் கொண்டு ஸ்பைடர் மேன் சிலை வடிவமைக்கப்பட்டுள்ளது. பேக்கரிக்குள்ளேயே வைக்கப்பட்டுள்ள இந்த சாக்லெட் ஸ்பைடர் மேன் சிலையை, அங்கு வரும் குழந்தைகள் ரசித்து செல்கின்றனர். அந்த சிலையுடன் அவர்கள் புகைப்படங்களையும் எடுத்துக் கொள்கின்றனர்.
362 கிலோ சாக்லெட்டால் செய்யப்பட்ட இந்த சிலையை வடிவமைக்க 158 மணி நேரம் ஆனதாக பேக்கரி நிர்வாகிகள் கூறியுள்ளனர்.
For English News
