October 29, 2022 
தண்டோரா குழு
பி.எஸ்.ஜி மருத்துவ அறிவியல் மற்றும் ஆராய்ச்சி கல்லூரியின் 30வது பட்டமளிப்பு விழா கல்லூரி கலையரங்கத்தில் இன்று காலை
நடைபெற்றது.கல்லூரி முதல்வர் டாக்டர் டி.எம் சுப்பாராவ் வரவேற்புரையாற்றினார். பி.எஸ்.ஜி நிறுவனங்களின் நிர்வாக அறங்காவலர் எல்.கோபாலகிருஷ்ணன் விழாவிற்கு தலைமை தாங்கி உரையாற்றினார்.
ஹைதராபாத் கிம்ஸ் உஷாலக்ஷ்மி மையம், கிம்ஸ் மருத்துவமனை மார்பக நோய்களுக்கான
இயக்குனர் மற்றும் ஆலோசகர்
டாக்டர் பி.ரகுராம் முதன்மை விருந்தினராக கலந்துகொண்டு பட்டமளிப்பு உரை ஆற்றினார்.
தொடர்ந்து அவர் சுமார் 145 எம்.பி.பி.எஸ். பட்டதாரிகள் மற்றும் 60 முதுகலை பட்டதாரிகளுக்கு பட்டப்படிப்பு சான்றிதழ்களை வழங்கினார். மேலும், மாணவர்களுக்கு பல்வேறு கல்வி விருதுகள் மற்றும் தங்கப் பதக்கங்கள் வழங்கப்பட்டது.
2022ம் ஆண்டிற்கான ஜி.ஆர்.ஜி மெமோரியல் தங்கப் பதக்கத்தை,சிறந்த ஆல்ரவுண்டர் பட்டதாரி கே.பூரணி பெற்றார். மாணவி நவீனா சிறந்த சாதனை பட்டதாரிக்கான ஜி.வி நினைவு தங்கப் பதக்கத்தைப் பெற்றார்.இயற்பியல் இணைப் பேராசிரியர் டாக்டர் எஸ். விஜயபாஸ்கரன், பேராசிரியர் டாக்டர் ஜி.ரகுதமன் ஆகியோர் பேசினர். இறுதியில் துறை தலைவர் டாக்டர் எஸ்.சாந்தகுமாரி நன்றியுரை கூறினார்.
For English News
