October 28, 2020 
தண்டோரா குழு
பாரதிய ஜனதா கட்சியின் தேசிய மகளிரணி தலைவராக வானதி சீனிவாசன் நியமிக்கப்பட்டுள்ளார்.
பாஜக கட்சியின் துணைத் தலைவர்கள், தேசியச் செயலாளர்கள், தேசிய பொதுச் செயலாளர்கள், செய்தி தொடர்பாளர்கள் உள்ளிட்ட பல்வேறு பதவிகளுக்கு புதிய நிர்வாகிகளை நியமித்து, அவர்களின் பெயர் பட்டியலை அக்கட்சியின் தேசியத் தலைவர் ஜே.பி.நட்டா சில தினங்களுக்கு முன்னர் வெளியிட்டிருந்தார். அதில், தமிழகத்தைச் சேர்ந்த பாஜகவின் மூத்த தலைவர்கள் ஒருவரின் பெயர் கூட இடம்பெறாதது அக்கட்சித் தொண்டர்களை அதிர்ச்சியடைய செய்துள்ளது.
இந்த நிலையில் இன்று பாஜக மகளிர் அணி தேசிய தலைவராக வானதி சீனிவாசனை நியமனம் செய்து அக்கட்சியின் தேசிய தலைவர் ஜே.பி.நட்டா உத்தரவிட்டுள்ளார்.
For English News
