April 27, 2017 
தண்டோரா குழு
புற்று நோயால் பாதிக்கப்பட்டு வந்த பிரபல இந்தி நடிகர் வினோத் கண்ணா மும்பையில் காலமானார்.
பாலிவுட்டின் பழம்பெரும் நடிகர் வினோத் கண்ணா(70). புற்று நோயால் பாதிக்கப்பட்டு வந்த அவர் இன்று மும்பையில் காலமானார். 1968 முதல் 2013ம் ஆண்டு வரை இந்தி திரையுலகில் தனது திரை பயணத்தை மேற்கொண்ட இவர் மொத்தம் 141 படங்களில் நடித்துள்ளார். அவர் கடைசியாக ஷாரூக்கானுடன் தில்வாலே படத்தில் நடித்துள்ளார்.
பாஜகவை சேர்ந்தவரான வினோத் கண்ணா குர்தாவூஸ் தொகுதி எம்.பி.யாகவும்,2002 ஆம் ஆண்டு வாஜ்பாய் ஆட்சியில் சுற்றுலா துறை அமைச்சராகவும் இருந்துள்ளார்.
இவரது மகன்களான ராகுல் கண்ணா மற்றும் அக்க்ஷய் கண்ணாவும் நடிகர்கள் என்பது குறிப்பிடத்தக்கது.
For English News
