August 23, 2017 
தண்டோரா குழு
நீட் தேர்வின் அடிப்படையில் மருத்துவ படிப்புகளுக்கான தர வரிசைப்பட்டியலை, சுகாதார செயலர் ராதாகிருஷ்ணன் சென்னையில் இன்று வெளியிட்டார்.
நீட் தேர்வு அடிப்படையில் கலந்தாய்வை உடனடியாக நடத்த உச்சநீதிமன்றம் உத்தரவிட்டது. இதனையடுத்து நாளை கலந்தாய்வு தொடங்கும் என தமிழக அரசு தெரிவித்தது.
இதன் ஒரு பகுதியாக நீட் தேர்வு அடிப்படையில் இன்று மருத்துவ படிப்புகளுக்கான தரி வரிசைப்பட்டியல் வெளியிடப்பட்டுள்ளது. இதில் ஓசூரை சேர்ந்த மாணவர் சந்தோஷ் என்பவர், 656 மதிப்பெண்களுடன் தமிழக அளவில் முதலிடம் பிடித்துள்ளார்.
இரண்டாவது இடத்தை கோவையை சேர்ந்த முகேஷ் கண்ணாவும், மூன்றாவது இடத்தை திருச்சியைசேர்ந்த சையதும் இடம்பிடித்துள்ளனர்.
For English News
