December 27, 2018 
தண்டோரா குழு
நடிகர் ‘சீனு’ மோகன் மாரடைப்பு காரணமாக காலமானார். அவருக்கு வயது 61.
தமிழ் சினிமாவில் முன்னணி நடிகர்களான விஜய், தனுஷ், விக்ரம், விஜய் சேதுபதி ஆகியோரின் படங்களில் முக்கிய வேடத்தில் நடித்திருந்தவர் சீனு மோகன். அவருக்கு வயது 61.’கிரேசி’ மோகனின் நாடகங்களில் சீனு என்ற கதாபாத்திரத்தில் நடித்துப் பிரபலமானவர் மோகன்.
1979-ல் கிரேசி கிரியேஷன்ஸ் நாடகக் குழு ஆரம்பித்த நாட்களிலிருந்தே அதில் மோகன் இடம்பெற்றிருந்தார். வருஷம் 16′, ‘அஞ்சலி’, ‘தளபதி’ உள்ளிட்ட படங்களிலும் நடித்திருந்தார். பின்னர், நாடகங்களுக்கே முக்கியத்துவம் கொடுத்து நடித்து வந்தார்.
சீனு மோகன் கிட்டத்தட்ட 3000-க்கும் அதிகமான மேடை நாடகங்களில் நடித்துள்ளார். இதுமட்டுமின்றி பல குறும்படங்களிலும் மோகன் நடித்துள்ளார்.
2016-ஆம் ஆண்டு ‘இறைவி’ படத்தில் இவரது நடிப்பு பாராட்டப்பட்டது. அடுத்தடுத்து ‘ஆண்டவன் கட்டளை’, ‘கோலமாவு கோகிலா’ உள்ளிட்ட படங்களிலும் மோகன் நடித்தார். ஏற்கனவே சிறுநீரக பாதிப்புக்குள்ளாகியிருந்த மோகன், அதற்கான சிகிச்சையை மேற்கொண்டிருந்தார். இந்நிலையில், இன்று காலை திடீரென மாரடைப்பின் காரணமாக மோகன் காலமானார்.
இவருடைய மறைவு தமிழ் திரையுலகில் பெரும் சோகத்தை ஏற்படுத்தியுள்ளது. ரசிகர்கள், திரையுலக பிரபலங்கள் என பலரும் இவருடைய மறைவிற்கு இரங்கல் தெரிவித்து வருகின்றனர்.
டிஜிட்டல் கைது’ மோசடிக்கு எதிராக என்பிசிஐ மக்களிடம் விழிப்புணர்வு ஏற்படுத்துகிறது
பண்டிகை கால கடன் விகிதம் 27 சதவீதம் அதிகரிப்பு, பஜாஜ் நிதி நிறுவனத்தில் முதல் முறையாக கடன் வாங்குபவர்களின் எண்ணிக்கை 52 சதவீதமாக உயர்வு
இதுவரை இல்லாத அளவு 2025 ஆம் ஆண்டில் 10 மாதங்களுக்குள் அதிக விற்பனை செய்து ஸ்கோடா ஆட்டோ இந்தியா சாதனை
அதிக உடல் எடையை அதிநவீன மருத்துவ தொழில்நுட்ப வசதிகளுடன் குறைக்க மைனஸ் கிளினிக் கோவையில் துவக்கம்
சென்னையில் பிரபலமான கஃபே டி கோவை பீளமேட்டில் திறப்பு !
தி கேம்ஃபோர்டு சர்வதேச பள்ளியின் 16-ஆவது ஆண்டு விழா மற்றும் நிறுவனர் தின விழா
For English News
