June 19, 2020 
தண்டோரா குழு
நாட்டில் உள்ள கல்லூரிகளுக்கான தேசிய தரவரிசைப் பட்டியலில் கோவை பி.எஸ்.ஜி.ஆர். கிருஷ்ணம்மாள் கல்லூரி 10 ஆம் இடத்தைப் பிடித்துள்ளது.
இந்திய அரசின் மத்திய மனித வளத்துறை, 2020-ம் ஆண்டுக்கான கல்வி நிறுவனங்களைத் தரவரிசைப் படுத்துவதற்காக, நாடு முழுவதும் உள்ள 1,659 கல்லூரிகளின் தர வரிசை பட்டியலை வெளியிட்டுள்ளது.கற்றல்- கற்பித்தல்,பாடத்திட்டம் உள் கட்டமைப்பு, ஆராய்ச்சி, சிறந்த நடைமுறைகள், மாணவர்களின் தேர்ச்சி விகிதம், வேலைவாய்ப்புகள், கல்வி நிறுவனம் குறித்த சமூக மதிப்பீடு உள்ளிட்ட பல்வேறு அளவுகோல்களை முன்வைத்து அதன் அடிப்படையில் மத்திய மனிதவளத்துறை அமைச்சர் ரமேஷ் பொக்ரியால், வெளியிட்ட தேசிய தரவரிசைப் பட்டியலில் கோவை பி.எஸ்.ஜி.ஆர்.கிருஷ்ணம்மாள் மகளிர் கல்லூரி 10-வது இடத்தைப் பிடித்துள்ளது.
இந்நிலையில் இது குறித்த செய்தியாளர்கள் சந்திப்பு கல்லூரி வளாகத்தில் நடைபெற்றது.
இதில் கிருஷ்ணம்மாள் மகளிர் கல்லூரியின் தலைவர் நந்தினி ரங்கசாமி,மற்றும் கல்லூரியின் இயக்குனர் பாலசுப்ரமிணியன், செயலாளர் யசோதாதேவி,முதல்வர் நிர்மலா ஆகியோர் கூட்டாக செய்தியாளர்களை சந்தித்தனர்.
அப்போது எங்கள் கல்லூரியின் மேம்படுத்தப்பட்ட பாடத்திட்டம், கற்பித்தல்,மற்றும் கற்றல் முறை என பல்வேறு சிறந்த கட்டமைப்புகளால் தேசிய அளவில் பத்தாம் இடத்தில் வந்துள்ளதாகவும், இனி வரும் காலங்களில் கூடுதல் கவனங்கள் செலுத்தி மேலும் தர வரிசையில் முன்னேற்றம் காண கல்லூரியின் அனைத்து தரப்பினரும் முனைப்பு காட்ட உள்ளதாக தெரிவித்தனர். மேலும் தேசிய அளவில் பத்தாவது இடத்தை பிடித்துள்ளதில் மகிழ்ச்சியளிப்பதாகவும், இது இக்கல்லூரியின் ஆசிரியர்கள், மாணவர்கள் மற்றும் ஆசிரியரல்லாப் பணியாளர்களுக்குப் பெருமை அளிப்பதாக தெரிவித்தனர்.
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 163 வது நிறுவனர் நாள் விழா
இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!
ஜெம் மருத்துவமனையின் தலைவர் டாக்டர். சி.பழனிவேலுவுக்கு ஜப்பான் தொராசிக் அறுவை சிகிச்சை சங்கத்தின் கௌரவ உறுப்பினர் அங்கீகாரம்
For English News
