July 26, 2017 
தண்டோரா குழு
தூர்தர்ஷன் தொலைக்காட்சி அதன் லோகோவை மாற்ற முடிவு செய்துள்ளது. அதன்படி சிறந்த லோகோ டிசைனுக்கு ஒரு லட்சம் ரூபாய் பரிசு அளிக்கப்படும் என்றும் தூர்தர்ஷன் நிறுவனம் அறிவித்துள்ளது.
கடந்த 58 ஆண்டுகளாக இருக்கும் டிடி எனப்படும் தூர்தர்ஷன் தொலைக்காட்சி சேனல் நாடு முழுவதும் 23 சேனல்களை ஒளிபரப்பி வருகிறது. ஆரம்ப காலத்தில் அனைவராலும் கவரப்பட்ட இந்த சேனலின் பார்வையாளர்கள் நாளுக்கு நாள் குறைந்து வருகின்றனர்.
இதனால் இளைய தலைமுறையினரை கவரும் வகையில் தூர்தர்ஷன் புது பொலிவுடன் வெளிவரவுள்ளது. இதனால் தனது லோகோவை மாற்ற தூதர்ஷன் திட்டமிட்டுள்ளது. இதற்காக இளைய தலைமுறையினருடன் தூர்தர்ஷனை இணைக்கும் முயற்சியாக புதிய சின்ன வடிவமைப்புப் போட்டியை அறிவித்துள்ளது. அதன்படி சிறந்த லோகோ டிசைனுக்கு ஒரு லட்சம் ரூபாய் பரிசு அளிக்கப்படும் என்றும் தூர்தர்ஷன் நிறுவனம் அறிவித்துள்ளது.
மேலும், புதிதாக வடிவமைக்கப்பட்டு லோகோவை வரும் ஆகஸ்ட் 13-ம் தேதிக்குள் சமர்பிக்க வேண்டும் எனவும் அறிவுறுத்தப்பட்டுள்ளது.
For English News
