June 27, 2019 
தண்டோரா குழு
அமமுக கொள்கை பரப்பு செயலாளராக இருந்த தங்க தமிழ்செல்வன் நாளை காலை திமுகவில் இணையவுள்ளதாக தகவல்கள் வெளியாகியுள்ளது.
முன்னாள் சட்டமன்ற உறுப்பினரும், அமமுக கொள்கை பரப்புச் செயலாளருமான தங்க தமிழ்ச் செல்வன் மனதில் பட்டத்தை பட்டென்று பேசும் நபர் என்பது அரசியல் களத்திலிருக்கும் அனைவருக்கும் தெரியும். அரசியல் விமர்சனங்களுக்கு உடனுக்குடன் பதிலடி கொடுப்பவர். அதிலும் தேர்தலுக்கு முன்பு வரை, அதிமுக அரசை தனது கடும் விமர்சனங்களால் கிழித்து தொங்கவிட்ட தங்க தமிழ்ச் செல்வன், மக்களவை மற்றும் சட்டமன்ற இடைத் தேர்தல் படுதோல்விக்குப் பிறகு, ஆழ்ந்த மௌனத்துக்கு சென்றுவிட்டார்.
இதற்கிடையில், அமமுக பொதுச்செயலாளர் டிடிவி தினகரனை கடுமையாக விமர்சனம் செய்து தங்க தமிழ்ச்செல்வன் பேசிய ஆடியோ சமூக வலைதளங்களில் வைரலானது. இதையடுத்து, விரைவில் அவர் அதிமுகவில் இணைவார் என்று எதிர்பார்க்கப்பட்டது.
இந்நிலையில்,தங்க தமிழ்செல்வன், நாளை காலை திமுகவில் இணைய உள்ளதாகவும் இதனையடுத்து தங்க தமிழ்செல்வனின் ஆதரவாளர்கள், தேனியில் இருந்து சென்னை நோக்கி படையெடுத்து வந்து கொண்டிருப்பதாகவும், நாளை சென்னை அண்ணா அறிவாலயத்தில் மு.க.ஸ்டாலினை நேரில் சந்தித்து திமுகவில் தங்க தமிழ்செல்வன் தன்னை இணைத்து கொள்ள இருப்பதாகவும் கூறப்படுகிறது. அதுமட்டுமின்றி தங்க தமிழ்செல்வன் திமுகவில் இணைந்த பின்னர் தேனியில் பிரமாண்ட இணைப்பு விழா நடத்தவும் திட்டமிடப்பட்டிருப்பதாகவும் கூறப்படுகிறது.
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
கோவை ஜி.கே.என்.எம். மருத்துவமனை சார்பாக செப்.28 ம் தேதி ‘ரன் ஃபார் லிட்டில் ஹார்ட்ஸ்’ மாராத்தான்
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
For English News
