December 24, 2018 
தண்டோரா குழு
தயாரிப்பாளர் சங்க துணைத்தலைவர் கவுதம் மேனனுக்கு பதிலாக பார்த்திபன் துணைத்தலைவராக தேர்வு செய்யப்பட்டுள்ளார்.
சென்னையில் தயாரிப்பாளர் சங்க தலைவர் விஷால் தலைமையில் அவசர செயற்குழுகூட்டம் இன்று நடைபெற்றது. இக்கூட்டத்தில் கடந்த சில தினங்களுக்கு முன் தயாரிப்பாளர்கள் சங்க அலுவலகத்திற்கு பூட்டு போட்டவர்களுக்கு விளக்கம் கேட்டு நோட்டீஸ் அனுப்ப முடிவு செய்யப்பட்டுள்ளது. மேலும், சங்க துணைத்தலைவர் கவுதம் மேனனுக்கு பதிலாக பார்த்திபன் துணைத்தலைவராக தேர்வு செய்யப்பட்டுள்ளார்.
பின்னர் செய்தியாளர்களிடம் பேசிய விஷால்,
சினிமா டிக்கெட்டுக்கான ஜிஎஸ்டி குறைப்பிற்கு மத்திய, மாநில அரசுகளுக்கு நன்றி. ஜிஎஸ்டி குறைப்பால் சினிமா டிக்கெட்டிற்கான கட்டணம் குறையும். அடுத்த செயற்குழு கூட்டத்தில் பொதுக்குழு தேதி குறித்து முடிவு எடுக்கப்படும். இளையராஜா இசை விழாவிற்கு, முதலமைச்சர், துணை முதலமைச்சர் மற்றும் அமைச்சர்களுக்கு நேரில் அழைப்பு விடுக்கப்படும் என்றார்.
இளையராஜா நிகழ்ச்சி தொடர்பாக முதல்வரை சந்திக்க அனுமதி கேட்டுள்ளோம்.
For English News
