August 26, 2020 
தண்டோரா குழு
தனியார் சிமென்ட் தொழிற்சாலையில் இருந்து வெளியேறும் தூசு காரணமாக பாதிப்பு ஏற்படுவதாக கூறி தொழிற்சாலை அலுவலகத்தை 50க்கும் மேற்பட்ட பெண்கள் முற்றுகையிட்டதால் பரபரப்பு ஏற்பட்டது.
கோவை மாவட்டம் மதுக்கரை பகுதியில் ஏசிசி சிமெண்ட் தொழிற்சாலை இயங்கி வருகிறது. இங்கிருந்து வெளியேறும் தூசு கலந்த புகை காரணமாக அருகில் வசித்து வரும் பொது மக்கள் பாதிக்கப்படுவதாக கூறி சுமார் 50க்கும் மேற்பட்ட பெண்கள் திரண்டு சிமென்ட் தொழிற்சாலையில் அலுவலகத்தை முற்றுகையிட்டு தொழிற்சாலை ஊழியர்களுடன் வாக்குவாதத்தில் ஈடுபட்டனர்.
இதுகுறித்து அப்பகுதியினர் கூறுகையில்,
கொரோனா ஊரடங்கு காலத்திலும் சிமெண்ட் தொழிற்சாலை தொடர்ந்து இயங்கி வருவதால், அதிலிருந்து வெளியேறும் தூசு கலந்த புகை அருகில் உள்ள வீடுகள் விவசாய நிலங்களில் படர்வதாக குற்றம்சாட்டினார். இது தொடர்பாக சிமெண்ட் தொழிற்சாலை நிர்வாகத்திடம் பலமுறை தெரிவித்தும் எந்தவித நடவடிக்கையும் மேற்கொள்ளவில்லை என்று வேதனை தெரிவித்தனர்.
இந்த நிலையில் இன்று தொழிற்சாலை நிர்வாகத்திடம் பேச குரும்பபாளையம் பகுதியைச் சேர்ந்த 50க்கும் மேற்பட்ட பெண்கள் தொழிற்சாலை அலுவலகத்திற்கு சென்ற போது அவர்களை தொழிற்சாலை ஊழியர்கள் தடுத்து நிறுத்தினர்.இதையே இருதரப்பினருக்கும் இடையே வாக்குவாதம் ஏற்பட்டது. தகவல் அறிந்து சம்பவ இடத்திற்கு வந்த மதுக்கரை காவல்துறையினர் இரு தரப்பினரிடையேயும் சமரச பேச்சுவார்த்தையில் ஈடுபட்டனர். அப்போது வாக்குவாதத்தில் ஈடுபட்டு இருந்த பெண்கள் தொழிற்சாலை நிர்வாகம் தங்களிடம் பேச்சுவார்த்தை நடத்த முன்வர வேண்டும் என்றும் தொடர்ந்து இதுபோன்று தூசு கலந்த புகை வெளியேறுவதை தடுக்க வேண்டும் என்றும் வேண்டுகோள் விடுத்தனர்.
சிமெண்ட் தொழிற்சாலையை சுற்றி உள்ள குடியிருப்பு பகுதிகளில் வசிக்கும் பெரும்பாலானோர் இங்கு பணிபுரிந்து வருவதால் அவர்கள் தொழிற்சாலையிலிருந்து தூசுகள் அந்த புகை வெளியேறும் விவகாரத்தில் புகார் அளிக்க முன்வருவதில்லை என்று குற்றம் சாட்டினர். மேலும் இந்த விவகாரத்தில் அரசியல் தலையீடு ஏதுமின்றி சுமூகமாக தீர்வு எட்ட முயன்று வருவதாக தெரிவித்தனர்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
