July 19, 2017 
தண்டோரா குழு
பொதுவாக மனிதர்கள் தான் வேலை பளு காரணமாக அல்லது வேறு சில காரணங்களுக்காக தற்கொலை செய்து கொள்வார்கள் என்பதை நாம் கேள்விபட்டிருப்போம். ஆனால்,வாஷிங்டனில் ரோபோ ஒன்று நீருற்றில் குதித்து தற்கொலை செய்துள்ளது வியப்பை ஏற்படுத்தியுள்ளது.
நைட்ஸ்கோப் கே5 என்ற ரோபோவை கலிஃபோர்னியா நிறுவனம் ஒன்று உருவாக்கியது. 136 கிலோ எடை,5 அடி உயரம் கொண்ட இந்த ரோபோ ஷாப்பிங் மால் ஒன்றில் செக்யூரிட்டியாக பணிபுரிந்து வருகிறது.
இந்த ரோபோவின் வேலையே ஷாப்பிங் மாலுக்கு வருபவர்கள் விதிகளை கடைபிடிக்கிறார்களா என்பதை கண்காணிப்பது தான். இதற்காக ரோபோவிற்கு ஜி.பி.எஸ், சென்ஸார், கேமரா என அனைத்து வசதிகளும் பொருத்தப்பட்டுள்ளது.
இதுமட்டுமின்றி மணிக்கு 3 மைல் வேகத்தில் இந்த ரோபோ நடக்கும் திறன் கொண்டது. மேலும், போலீஸ் குறிப்புகளில் இருக்கும் குற்றவாளிகளின் படங்களை இந்த ரோபோவின் மெமரியில் ஏற்றியிருப்பதால் அவர்களில் யாரையாவது பார்த்தால், கைது செய்ய இந்த ரோபோ உதவியதாக இருந்தது.
இந்நிலையில்,நேற்று பணியில் இருந்த கே5 ரோபோ அங்கிருக்கும் ஃபவுண்ட்டைன் ஒன்றை நோக்கிச் சென்று அதிலிருந்த தண்ணீருக்குள் திடீரென விழுந்தது. இதையடுத்து, ரோபோவை எடுத்து அதை பழுது பார்க்கும் பணியில் ஈடுபட்டனர்.ஆனால், கே5 மீண்டும் பழைய நிலைமைக்குக் கொண்டு வரவே முடியவில்லை.
இதனால், ரோபோ தற்கொலை செய்து கொள்ளும் எண்ணத்தில் தான் தண்ணீருக்குள் சென்றதா? அல்லது வைரஸ் ஏதாவது நுழைந்திருக்குமா? வேறு யாராவது ஹேக் செய்து இந்தக் காரியத்தை நிகழ்த்தியிருப்பார்களா என குழப்பத்தில் இருக்கிறார்கள் இதனை உருவாக்கியவர்கள்.
இதற்கிடையில், ரோபோவின் இந்த செய்தியை கேள்விபட்டவர்கள் கே5 ரோபோவுடன் முன்பு படம் எடுத்ததை ஷேர் செய்து தங்களது வருத்தங்களை சமூக வலைதளங்களில் பதிவு செய்து வருகிறார்கள்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
