January 2, 2023 
தண்டோரா குழு
கோவை மாநகராட்சியில் ஸ்மார்ட் சிட்டி திட்டத்தின் கீழ் ரூ.1000 கோடியில் பல்வேறு பணிகள் மேற்கொள்ளப்பட்டு வருகின்றன. இதன் ஒரு பகுதி ரேஸ் கோர்ஸ் பகுதியில் சுமார் ரூ.42 கோடி மதிப்பில் நடைபாதையை அழகுப்படுத்துதல் மற்றும் சீரமைப்பு, அலங்கார விளக்குகள், சாலை வசதி, மழைநீரை சுத்திகரிப்பு செய்து நிலத்திற்கு அடியில் அனுப்புதல், தாமஸ் பார்க் வளைவில் மிடியா மரம் உள்ளிட்ட பல்வேறு பணிகள் மேற்கொள்ளப்பட்டு வருகிறது. இதில் மழைநீரை சாலையில் விணாக்காமல் சுத்திகரிப்பு செய்து நிலத்திற்குள் அனுப்பும் பணி தீவிரமாக நடந்து வருகிறது.
இதற்காக ரேஸ் கோர்ஸ் பகுதியில் 25 இடங்களில் மழைநீரை சேகரிக்க நடவடிக்கை எடுக்கப்பட்டது. இதில் இருந்து சுமார் 1 கி.மீ தூரம் வரை மழைநீர் குழாய் வழியாக வந்து திருச்சி சாலை ஸ்டேன்ஸ் சந்திப்பில் அமைக்கப்பட்டுள்ள மழைநீர் சேகரிப்பு தொட்டியில் விழும். இந்த தொட்டியில் 1 லட்சம் லிட்டர் மழைநீர் சேகரிக்க முடியும். இந்த மழைநீர் நிலத்திற்கு அடியில் செல்லும். ஜெர்மன் தொழில்நுட்பத்தில் இந்த பணிகள் மட்டும் சுமார் ரூ.2 கோடி மதிப்பில் மேற்கொள்ளப்பட்டுள்ளது.
இதுகுறித்து மாநகராட்சி கமிஷனர் பிரதாப் கூறுகையில்,
‘‘ மழைநீரை விணாக்கமல் அதனை சேகரித்து மீண்டும் நிலத்திற்குள் அனுப்ப ஜெர்மன் தொழில்நுட்பம் மூலம் இப்பணிகள் மேற்கொள்ளப்பட்டுள்ளது. 1 லட்சம் லிட்டர் மழைநீரை சேகரிக்கும் தொட்டி அமைக்கப்பட்டுள்ளது. இந்த தொட்டியின் மேல் பசுமை புல்வெளிகள் கொண்ட தீவுத்திடல் அமைக்கப்பட உள்ளது. இதன் மூலம் மழை காலங்களில் சாலைகளில் மழைநீர் தேங்காது.
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
For English News
