August 3, 2023 
தண்டோரா குழு
கோவை மாவட்டம் மேட்டுப்பாளையம் அருகே சிறுமுகை கணேசபுரம் பகுதியில் வசித்து வருபவர் சின்னம்மாள் (67). கணவர் இறந்துவிட்டார்.இவர் அதே பகுதியில் தனது வீட்டின் முன்புறம் உள்ள ஒரு கடையில் இட்லி, தோசை மாவு விற்று வருகிறார். சின்னம்மாலுக்கு தட்சிணாமூர்த்தி என்கிற ஒரு மகன் உள்ளார். அவர் சென்னையில் வசித்து வருகிறார். மகனின் மனைவி வேலுமயில், தேனி மாவட்ட நீதிமன்றத்தில் நீதிபதியாக உள்ளார்.
சின்னம்மாள் கடந்த மாதம் 31ம் தேதி வேலை முடித்து வீட்டிற்குள் செல்லும்போது அடையாளம் தெரியாத நபர்கள் அவரைத் தாக்கி பீரோவில் இருந்த ரூ.5 ஆயிரம் மற்றும் அவர் கழுத்தில் அணிந்திருந்த 5 பவுன் சங்கிலி பறித்துச் சென்றுள்ளனர்.
இது சம்மந்தமாக சின்னம்மாள் சிறுமுகை காவல் நிலையத்தில் அளித்த புகாரின் பேரில் வழக்குப்பதிவு செய்யப்பட்டது. இவ்வழக்கில் தனிப்படைகள் அமைக்கப்பட்டு சிறுமுகை போலீசார் விசாரணை செய்து குற்றவாளிகளை தேடி வந்தனர்.
இந்நிலையில் சின்னம்மாளை தாக்கி பணம் மற்றும் நகையை பறித்து சென்றது சிறுமுகை பகுதியை சேர்ந்த சர்மா (21), மேட்டுப்பாளையம் பகுதியை சேர்ந்த முகமது அம்ரித் (21) மற்றும் சிறுமுகை பகுதியை சேர்ந்த இளஞ்சிறார் ஒருவரும் இக்குற்றத்தில் ஈடுபட்டது
தெரியவந்தது.
இந்நிலையில் தனிப்படை போலீசார் துடியலூர் அருகே நேற்று முன் தினம் நடைபெற்ற வாகன சோதனையின் போது இந்த மூன்று நபர்களையும் கைது செய்தனர்.மேலும் அவர்களிடமிருந்து 5 சவரன் தங்க நகையை பறிமுதல் செய்து சர்மா (21) மற்றும் முகமது அம்ரித் (21)ஆகிய 2 நபர்களை நீதிமன்ற காவலுக்கு உட்படுத்தி கோவை மத்திய சிறையில் அடைத்தனர். இளஞ்சிறாரை சீர்திருத்த பள்ளிக்கு அனுப்பி வைத்தனர்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
