August 24, 2017 
தண்டோரா குழு
தமிழக சட்டபேரவையில் நம்பிக்கை வாக்கெடுப்பு நடத்த உத்தரவிடக்கோரி சென்னை உயர்நீதிமன்றத்தில் புகழேந்தி என்ற வழக்கறிஞர் வழக்கு தொடர்ந்துள்ளார்.
முதல்வர் மீது நம்பிக்கை இழந்துவிட்டதாக தினகரன் ஆதரவாளர்களான 19 எம்எல்ஏக்கள் கவர்னரிடம் மனு அளித்துள்ளனர். இதனால், முதல்வர் பழனிசாமி சட்டசபையில் நம்பிக்கை ஓட்டெடுப்பு நடத்த கவர்னருக்கு உத்தரவிட வேண்டும் எனக்கூறி புகழேந்தி என்பவர் சென்னை உயர்நீதிமன்றத்தில் வழக்கு தொடர்ந்துள்ளார்.
மேலும், தற்போதைய அரசியல் சூழலில் எம்.எல்.ஏ.க்களை விலை பேச வாய்ப்புள்ளது. 19 எம்எல்ஏக்கள் ஆளுநருக்கு அளித்த கடிதம் மீது இதுவரை எந்த நடவடிக்கையும் எடுக்கவில்லை எனவும் நம்பிக்கை வாக்கெடுப்பு நடத்தக்கோரிய மு.க.ஸ்டாலின் கடிதம் மீதம் நடவடிக்கை எடுக்கவில்லை எனவும் வழக்கறிஞர் புகழேந்தி குற்றம்சாட்டியுள்ளார்.
For English News
