July 20, 2017 
தண்டோரா குழு
குற்றவாளியாக சிறையிலிருக்கும் சசிகலா சொல்படி ஆட்சி நடத்தவில்லை என்று ஒரு செய்தி வெளியிட்டால் உங்களை ஊழல் அற்றவர் என்று ஒப்புக்கொள்வோம் என்று நடிகர் கமல்ஹாசனின் அண்ணனும் நடிகருமான சாருஹாசன் தெரிவித்துள்ளார்.
இதுக் குறித்து சமூக வலைதளத்தில் அவர் பதிவிட்டுள்ளதாவது,
“அமைச்சர் ஜெயகுமார் அவர்களுக்கு, 60 கோடி லஞ்ச ஊழல் குற்றவாளியாக உச்ச நீதிமன்றத்தால் முடிவு செய்யப்பட்ட அம்மா அவர்கள் பெயரால் ஆட்சி செய்கிறீர்கள். குற்றவாளியாக சிறையிலிருக்கும் சசிகலா சொல்படி ஆட்சி நடத்தவில்லை என்று ஒரு செய்தி வெளியிட்டால் உங்களை ஊழல் அற்றவர் என்று ஒப்புக்கொள்வோம்.கையாடல் குற்றவாளியாக தீர்ப்பு முடிவான அம்மா ஆட்சியை நடத்துகிறோம் என்று சொல்லும் நீங்கள் அது இல்லை என்று சொல்லுங்களேன் பார்ப்போம்.
ஒன்று புரிகிறது அதிமுகவில் ஜெயகுமார் ஒருவர்தான் இதுவரை லஞ்சம் வாங்காதவர் போல தெரிகிறது.ஆனால் ஊழலுக்கு இன்று துணை போகிறாரே. ஆட்சியில் இருக்கும் அமைச்சர் வீட்டில் ரெய்டு, பிரபல காண்ட்ரக்டர்கள் வீட்டில் கிடைத்த லஞ்ச லிஸ்ட்,நீங்கள் வணக்கத்துடன் நடத்தும் ஆட்சி லஞ்ச ஊழலுக்கு சிறையிலிருக்கும் சசிகலா சொல்படி நடக்கவில்லை என்று கூட சொல்ல முடியவில்லை”.
இவ்வாறு சாருஹாசன் பதிவிட்டுள்ளார்.
For English News
