• Download mobile app
29 Mar 2024, FridayEdition - 2970
FLASH NEWS
  • வள்ளுவரைப் பற்றிய அடிப்படை புரிதல் ஆளுநருக்கு இல்லை: கனிமொழி
  • தெலங்கானா முதலமைச்சராக பதவியேற்றார் ரேவந்த் ரெட்டி;
  • தமிழகத்தில் இயல்பை விட இந்த ஆண்டு, வடகிழக்கு பருவமழை குறைவு –
  • மிக்ஜாம் புயல்: தமிழ்நாட்டுக்கு ரூ.450 கோடி நிதி ஒதுக்கீடு!
  • மத்தியில் ஆட்சிக்கு வந்ததும் சாதிவாரி கணக்கெடுப்பை நடத்துவோம்-ராகுல் காந்தி

கோவை போஸ்ட் பத்திரிகையின் தலைமை செய்தியாசிரியருக்கு ‘ சிங்கப் பெண்ணே விருது’

March 9, 2020 தண்டோரா குழு

சர்வதேச பெண்கள் தினத்தை முன்னிட்டு, கோவை மற்றும் சுற்று வட்டாரப்பகுதிகளில், பணிக்கு செல்லும் பெண்களை கவுரவப் படுத்தும் விதமாக, கடந்த 2018ம் ஆண்டு முதல் ‘கோவை ஒண்டர் உமன் ஐகான்’ விருது வழங்கும் விழா நடத்தப்பட்டு வருகின்றது. தொழில் துறை, சுய உதவிக்குழுக்கள், விளையாட்டு, கலை, ஊடகம், புகைப்படக்கலை, டிரைவிங் உள்ளிட்ட பல்வேறு துறைகளில் சாதனைபுரிந்த பெண்களை, தேர்வு செய்து ‘கோவை ஒண்டர் உமன் ஐகான்’,’கோவை ஒண்டர் உமன் 2020′ என, இரு விருதுகள் வழங்கப்படுகின்றன.

இந்நிலையில், சர்வதேச பெண்கள் தினத்தை முன்னிட்டு,கோவை ஒண்டர் உமன் அமைப்பு சார்பில் விருது வழங்கும் விழா புரோசோன் மாலில் நடந்தது.இதில்,பத்திரிகை துறையில் பல ஆண்டுகளாக தனக்கென்று தனி முத்திரை பதித்து வரும் கோவை போஸ்ட் பத்திரிகையின் தலைமை செய்தியாசிரியர் வித்யஸ்ரீ தர்மராஜிற்கு ‘கோவை ஒண்டர் உமன் ஐகான் விருது வழங்கப்பட்டது. இவ்விருதினை அவருக்கு ராவ் மருத்துவமனையின் இயக்குநர் தாமோதர் ராவ் வழங்கி கெளரவித்தார்.

அதைபோல் முன்னாள் முதல்வர் ஜெயலலிதாவின் பிறந்த நாள் மற்றும் மகளிர் தினத்தை முன்னிட்டு அதிமுக சார்பில் கோவையில் நடைபெற்ற விழாவில் கோவை போஸ்ட் பத்திரிகையின் தலைமை செய்தியாசிரியர் வித்யஸ்ரீ தர்ம ராஜின் சாதனைகளை அடையாளப்படுத்தும் விதமாக அவருக்கு சிங்கப்பெண்னே விருதினை உள்ளாட்சித்துறை அமைச்சர் எஸ்.பி வேலுமணி வழங்கி கெளரவித்தார்.மேலும், இன்னர் வீல் கிளப் ஆப் கோயமுத்தூர் சார்பில் கேம் செஞ்ஜர் இன் மீடியா விருதும் கோவை போஸ்ட் பத்திரிகையின் தலைமை செய்தியாசிரியர் வித்யஸ்ரீ தர்ம ராஜிற்கு வழங்கபட்டது.இதற்கான ஏற்பாடுகளை டிஸ்சோனி நிகழ்வு மேலாண்மை நிறுவனம் செய்திருந்தது என்பது குறிப்பிடத்தக்கது.

இது குறித்து கோவை போஸ்ட் பத்திரிகையின் தலைமை செய்தியாசிரியர் வித்யஸ்ரீ தர்மராஜ் கூறுகையில்,

மகளிர் தினத்தை முன்னிட்டு இந்த விருதுகள் கிடைத்தது மகிழ்ச்சியாக உள்ளது. இந்த விருதுகள் என்னை மென்மேலும் இந்த சமூகத்தில் உயர உத்வேகப்படுத்தும் என நம்புகிறேன் என்றார்.

மேலும் படிக்க