December 22, 2023 
தண்டோரா குழு
கோவை சத்தியமங்கலம் சாலையில் சரவணம்பட்டியில் அமைந்துள்ளது புரோஜோன் மால்.இங்கு கிருஸ்துமஸ் மற்றும் புத்தாண்டை முன்னிட்டு ஐரோப்பாவில் அமைந்துள்ள உலக புகழ்பெற்ற ஐபில் டவர் 50 அடி உயரத்திற்கு அமைக்கப்பட்டுள்ளது.மேலும் புரோஜோன் மால் முழுவதும் வண்ண விளக்குகளால் அலங்கரிக்கப்பட்டு காண்பதற்கு ரம்மியமாக உள்ளது.
இதுகுறித்து புரோஜோன் மாலின் இயக்குனர், விஜய் பாடியா, நிதி மற்றும் நிர்வாக தலைவர் பாபு, மார்க்கெட்டிங் தலைவர் பிரிங்ஸ்டன் நாதன், செயலாக்கத் தலைவர் முசாமில் ஆகியோர் கூறியதாவது :-
உலக அதிசயங்களில் ஒன்றான ஐபில் டவர் பாரிஸில் மிகக் கூடுதலாக அடையாளம் காணத்தக்கதாகும்.அத்துடன், உலகம் முழுவதிலும், இது பாரிஸிற்கான ஒரு குறியீடாகவும் அறியப்படுகிறது. இதை வடிவமைத்த அலெக்சாந்தர் கஸ்டவ் ஈப ல்ல்லின் பெயரினால் இது அழைக்கப்படுகின்றது.இக்கோபுரம், முக்கியமான சுற்றுலாத் தலமாகும். ஆண்டுதோறும் 55 இலட்சத்துக்கு மேற்பட்டவர்கள் இதைப் பார்க்க உலகம் முழுவதிலும் இருந்து வருகிறார்கள்.
நம்மில் பலருக்கு ஐபில் டவரை பார்க்க வேண்டும் என்ற ஆசை உள்ளது. ஆனால் நமது பொருளாதாரம் அதற்கு தடையாக உள்ளது. இவர்களின் ஆசையை சிறிதளவு தீர்த்து வைப்பதற்காக கோவை புரோஜோன் மால் பாரிஸின் ஐபில் டவரை அப்படியே 50 அடி உயரத்திற்கு வடிவமைத்துள்ளது. இந்த ஐபில் டவர் கோபரம் நாளை 22.12.2023 முதல் 10.01.2024 வரை பொது மக்களின் பார்வைக்கு வைக்கப்படும். மேலும் பாரிஸில் உள்ளது போல் அலங்காரம் செய்யப்படுள்ளது.இங்கு வாடிக்ககையாளர்கள் புகைப்படம் எடுத்துக்கொள்ளலாம்.குழந்தைகள் முதல் பெரியவர்கள் வரை விரும்பும் லாலிபாப் சுவர், கூழாங்கல் ஓவியம், கிறிஸ்துமஸ் பொக்கிஷம் மற்றும் பல அம்சங்கள் இடம்பெற்றுள்ளன.
மேலும் புரோஜேன் மாலில் கிருஸ்துமஸ் மேஜிக் என்ற சலுகை விற்பனையும் நடைபெறவுள்ளது. வரும் 31.12.2023 வரை ரூபாய் 4,999.00-க்கு பொருட்கள் வாங்கினால் மாபெரும் பரிசு வெல்ல வாய்ப்பு உள்ளது. மேலும் முன்னணி தயாரிப்புகளுக்கு 60 சதவீதம் வரை தள்ளுபடியும் உள்ளது.
இவ்வாறு அவர்கள் கூறினார்கள்.
For English News
