December 29, 2020 
கோவை செல்வாம்பதி குளக்கரையில் ஆக்கிரமித்து கட்டப்பட்டுள்ள வீடுகளை அகற்றும் பணி விரைவில் துவங்கும் என மாநகராட்சி அதிகாரிகள் தகவல் தெரிவித்துள்ளனர்.
கோவையில் உள்ள குளங்களில் ஸ்மார்ட் சிட்டி திட்டப்பணிகள் நடைபெற்று வருகின்றன. இதற்காக குளக்கரைகளில் உள்ள ஆக்கிரமிப்பு வீடுகள், கடைகள், கட்டிடங்கள் போன்றவைகள் மாநகராட்சி அதிகாரிகளால் அகற்றப்பட்டு வருகின்றன. இதன் ஒரு பகுதியாக ஆர்.எஸ்.புரம் அருகே உள்ள செல்வாம்பதி குளக்கரையில் ஆக்கிரமித்து கட்டப்பட்டு இருந்த வீடுகளை அகற்ற மாநகராட்சி அதிகாரிகள் திட்டமிட்டனர். இதனை அடுத்து செல்வாம்பதி குளக்கரையில் ஆக்கிரமித்து வீடு கட்டியிருந்தவர்களுக்கு குடிசைமாற்று வாரியம் சார்பில் கோவைப்புதூரில் மாற்று வீடுகள் வழங்கப்பட்டன. அந்த வீடுகளை பெற்றுக்கொண்ட பலர் ஆக்கிரமிப்பு வீடுகளை காலிசெய்யாமல் இருந்து வந்தனர்.
இதனையடுத்து கோவை மாநகராட்சி அதிகாரிகள், குடிசை மாற்று வாரிய அதிகாரிகள், மின்வாரிய அதிகாரிகள் ஆகியோர் இணைந்து அங்கு ஆக்கிரமித்து கட்டப்பட்டு இருந்த 98 வீடுகளுக்கு மின் இணைப்பை அன்மையில் துண்டித்தனர். இதனிடையே மின் இணைப்பு துண்டிக்கப்பட்ட வீடுகளில் உள்ளவர்களை வெளியேற்றும் பணிகள் நடைபெற்று வருகிறது.
இதுகுறித்து மாநகராட்சி அதிகாரி ஒருவர் கூறுகையில்,
‘‘செல்வாம்பதி குளக்கரையில் மின் இணைப்புகள் துண்டிக்கப்பட்ட வீடுகளில் உள்ள பொருட்களை எடுத்து செல்லவும், வீடுகளை காலி செய்யவும் கால அவகாசம் வழங்கப்பட்டுள்ளது. வீடுகளை காலி செய்தவுடன் வீடுகளை இடிக்கும் பணிகள் விரைவில் நடைபெறும்’’ என்றார்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
