October 30, 2019 
தண்டோரா குழு
கோவை குப்புசாமி நாயுடு மருத்துவமனையில் 40 படுக்கை வசதிகளை கொண்ட அதி நவீன தீவிர சிகிச்சை பிரிவு துவக்கப்பட்டுள்ளது.
மருத்துவ சேவையில் கடந்த 68 ஆண்டுகளாக பல்வேறு தொழில் நுட்பங்களுடன் குறைந்த கட்டணத்தில் நோயாளிகளுக்கு சிகிச்சை அளிப்பதில் கோவை குப்புசாமி நாயுடு மருத்துவமனை ஈடுபட்டு வருகிறது. இந்நிலையில் மற்றொரு சாதனையாக 40 படுக்கை வசதிகள் கொண்ட அதி நவீன தீவிர சிகிச்சை பிரிவு மற்றும் எலும்பு மஜ்ஜை மாற்று சிகிச்சை பிரிவு மருத்துவமனை வளாகத்தில் புதிதாக
துவங்கப்பட்டது.
இதற்கான துவக்க விழாவில் புதிய சிகிச்சை பிரிவுகளை கே.என்.சி கல்வி மற்றும் மருத்துவ அறக்கட்டளையின் தலைவர் பதி திறந்து வைத்தார். இந்த புதிய தீவிர சிகிச்சை பிரிவில் ஒரே நேரத்தில் பல்வேறு அவசரகால கட்டத்தில் உள்ள 40 நோயாளிகளை சிகிச்சை அளிக்கும் விதமாக உருவாக்கப்பட்டுள்ளது. இதில் செயற்கை சுவாச முறை,ரத்த சுத்திகரிப்பு, தொடர் கண்காணிப்பு மற்றும் எக்மோ போன் எனப்படும் உயர்தர சிகிச்சை என அனைத்து வகை சிகிச்சைகளும் நவீன உபகரணங்களோடு செவிலியர்களின் தீவிர கண்காணிப்பில் இருக்கும்படி அமைக்கப்பட்டுள்ளது.
மேலும் எலும்பு மஜ்ஜை மாற்று சிகிச்சை பிரிவில் இடுப்பு,பின்முதுகு,தொடை உட்பட எலும்பு தொடர்பான மஜ்ஜை சிகிச்சைகளுக்கும் சிகிச்சை அளிக்கும் விதமாக இந்த பிரிவு உருவாக்கப்பட்டுள்ளது.இந்த புதிய சிகிச்சை பிரிவுகள் குறித்து மருத்துவமனையில் தலைமை செயல் அதிகாரி ரகுபதி வேலுசாமி பேசுகையில், எங்களது மருத்துவமனைக்கு வரும் நோயாளிகளுக்கு குறைந்த கட்டணத்தில் அதி நவீன சிகிச்சைகள் வழங்கும் விதமாக இந்த பிரிவு துவங்கப்பட்டுள்ளதாகவும்,அனைத்து நவீன மருத்துவ உபகரணங்களோடு இந்த அதி நவீன தீவிர சிகிச்சை பிரிவு செயல்பட உள்ளதாக அவர் தெரிவித்தார்.இந்த துவக்க விழாவில் சிறப்பு மருத்துவ நிபுணர்கள் ,மருத்துவ ஊழியர்கள் ,செவிலியர்கள் உட்பட பலர் கலந்து கொண்டனர்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
