May 21, 2020 
தண்டோரா குழு
14 வயது சிறுமியை பாட்டி வீட்டுக்கு அழைத்து சென்று பாலியல் தொந்தரவு கொடுத்த சிறுவனை போக்ஸோ பிரிவின் கீழ் கோவை காவல்துறையினர் கைது செய்தனர்.
கோவையை சேர்ந்த 14 வயது சிறுமி நேற்று மதியம் முதல் வீட்டிலிருந்து காணாமல்போனதை அடுத்து,இரவில் ஆர்.எஸ்.புரம் அனைத்து மகளிர் காவல் நிலையத்தில் பெற்றோர்கள் அளித்த புகார் அளித்தனர்.இதன் அடிப்படையில், காணாமல்போனதாக வழக்குப்பதிவு செய்து காவல்துறையினர் சிறுமியை தேடி வந்தனர்.
இந்நிலையில், சிறுமியின் பெற்றோர்கள் அளித்த தகவலின் அடிப்படையில், சிறுமி உடன் பள்ளியில் படித்த கணபதி பகுதியை சேர்ந்த 17 வயது சிறுவன் தொடர்பாக விசாரணை செய்ததில், சிறுமியை சிறுவன் கரூரில் உள்ள தனது பாட்டி வீட்டிற்கு அழைத்து சென்றது தெரியவந்தது. உடனே, சிறுமியை மீட்ட காவல்துறையினர், காணாமல்போனதாக பதிவு செய்யப்பட்ட பிரிவை போக்ஸோ மற்றும் கடத்தல் பிரிவாக மாற்றி சிறுவனை கைது செய்து, சிறார் சிறையில் அடைத்தனர்.
இதற்கிடையே, கொரோனாவால் பிறப்பிக்கப்பட்டுள்ள பொதுமுடக்கம் காரணமாக மாவட்டம் முழுதும் காவல்துறையினர் சோதனை சாவடி அமைத்து கண்காணிப்பு பணியில் ஈடுபட்டுள்ள நிலையில், 17 வயது சிறுவன் ஓட்டுனர் உரிமம், மாவட்டங்களை கடக்க தேவையான இ.பாஸ் இல்லாமல், சிறுமியை தனது இருசக்கர வாகனத்தில் அழைத்து சென்றது பல்வேறு கேள்விகளை எழுப்பியுள்ளது.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
