January 3, 2022 
தண்டோரா குழு
கோவை மாவட்டம் அன்னூர் அருகே, 108 ஆம்புலன்சில் பெண் குழந்தை பிறந்தது தாயும் சேயும் நலம்.
அன்னுார் அருகே கதவுகரையை சேர்ந்தவர் முருகசாமி, இவரது மனைவி அபர்ணா. இந்த தம்பதிக்கு ஏற்கனவே ஒரு பெண் குழந்தை உள்ளது. தற்போது மீண்டும் அபர்ணா நிறைமாத கர்ப்பிணியாக இருந்தார். நேற்று முன்தினம் அதிகாலை 1:15 மணியளவில் அவருக்கு பிரசவ வலி ஏற்பட்டது.ஆம்புலன்சுக்கு தகவல் தெரிவிக்கப்பட்டது.
அங்கு சென்ற, 108 ஆம்புலன்ஸ் குழுவினர் அபர்ணாவை ஆம்புலன்ஸில் ஏற்றி, அன்னுார் அரசு மருத்துவமனைக்கு அழைத்து வந்தனர். வரும் வழியில் பிரசவ வலி அதிகமானதால், அங்கேயே வாகனத்தை நிறுத்தி, அவசர மருத்துவ உதவியாளர் தனபால், ஆம்புலன்ஸ் ஓட்டுனர் ராஜசேகர் ஆகியோர் அந்த பெண்ணுக்கு பிரசவம் பார்த்தனர். இதில் அழகான பெண் குழந்தை பிறந்தது.
தற்போது, தாயும், குழந்தையும் அன்னுார் அரசு மருத்துவமனையில் நலமுடன் உள்ளதாக மருத்துவர்கள் தெரிவித்தனர். பெண் குழந்தை 2 கிலோ 300 கிராம் எடையுடன் நலமாக உள்ளது.ஆம்புலன்சில் பிரசவம் பார்த்த மருத்துவ உதவியாளர் மற்றும் ஓட்டுநருக்கு, தம்பதியின் உறவினர்கள், நன்றி தெரிவித்தனர்.
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
குமரகுரு கல்லூரி மாணவர்களால் உருவாக்கப்பட்ட எரிசக்தி படகு, சர்வதேச போட்டியில் மூன்றாவது முறையாக பங்கேற்கிறது!
மாற்றுத்திறனாளி இளைஞர்களும் ஆன்லைன் உணவு டெலிவரி செய்யும் வகையில் புதிய எலக்ட்ரிக் சைக்கிள் !
கோயமுத்தூர் இன்னர் வீல் கிளப் சார்பாக அரசு தொடக்கப்பள்ளிக்கு புதிய வகுப்பறைகள் அர்ப்பணிப்பு
For English News
