December 13, 2018 
தண்டோரா குழு
கோவையில் ஹெச் ராஜா உருவ பொம்மையை எரிக்க முயன்ற விசிகவினரை போலீசார் கைது செய்தனர்.
விடுதலை சிறுத்தை கட்சியின் தலைவர் திருமாவளவன் தொட்ட கட்சி விளங்காது என ஹெச் ராஜா பேசியுள்ளார். இதனை கண்டித்து விடுதலை கட்சியினர் தமிழகம் முழுவதும் போராட்டம் நடத்தி வருகின்றனர். இதன் ஒரு பகுதியாக இன்று கோவை காந்திபுரம் பகுதியில் விடுதலை சிறுத்தைகள் கட்சியின் தொண்டர்கள் ஹெச் ராஜாவின் உருவபொம்மையை எரிக்க முயன்றனர். இதனையடுத்து காவல் துறையினர் அங்கு வந்து உருவ பொம்மையை விசிகவினரிடம் இருந்து பறிக்க முயற்சி செய்தனர்.இதனால் போராட்டக்காரர்களுக்கும் விசிகவினருக்கும் இடையே தள்ளு முள்ளு ஏற்பட்டது.
மேலும் திருமாவளவன் தொட்ட கட்சியை யாரும் தொட மாட்டார்கள் என தீண்டத்தகாத வகையில் பேசிய ஹெச் ராஜாவை வன்கொடுமை தடுப்பு சட்டத்தில் கைது செய்ய வலியுறுத்தினர். இப்போராட்டத்தில் ஈடுபட்ட ஐந்து பேரை போலீசார் கைது செய்தனர்.
For English News
