June 18, 2020 
தண்டோரா குழு
சீன ராணுவத்தினரால் கொல்லப்பட்ட இந்திய ராணுவ வீரர்களுக்கு கோவையில் அஞ்சலி செலுத்திய இந்து முன்னனி அமைப்பினர் சீன அதிபரின் புகைப்படத்தை கிழித்து அந்நாட்டு கொடியை எரித்ததுடன் சீன தயாரிப்பு செல்போன்களை சாலையில் வீசி எறிந்தும் தங்களது எதிர்ப்பை பதிவு செய்தனர்.
இந்திய சீன எல்லைப்பகுதியான லடாக் பகுதியில் சீன ராணுவத்தினரால் தாக்கப்பட்டு இந்திய வீரர்கள் 20 பேர் கொல்லப்பட்ட சம்பவத்திற்கு உலகம் முழுவதும் கடும் கண்டனங்கள் எழுந்து வருகின்றன. நாடு முழுவதும் சீன தயாரிப்புகளை புறக்கணிப்போம் என எதிர்ப்பு குரல்கள் வலுத்து வரும் நிலையில் கோவை சிவாந்தாகாலனி பகுதியில் இந்து முன்னனி அமைப்பு சார்பில் உயிரிழந்த இந்திய ராணுவ வீரர்களுக்கு அஞ்சலி செலுத்தும் நிகழ்ச்சி நடைபெற்றது.அப்போது நிகழ்ச்சியில் பங்கேற்றவர்கள் சீன அரசுக்கு எதிர்ப்பு தெரிவிக்கும் விதமாக சீன தயாரிப்புகளை உபயோகப்படுத்த மாட்டோம் என உறுதி மொழி எடுத்துக்கொண்டதுடன் சீன கொடியை எரித்தும்,சீன அதிபதின் புகைப்படத்தை கிழித்தும் தங்கள் கைகளில் வைத்திருந்த சீன தயாரிப்பு செல்போன்களை சாலையில் வீசியெறிந்தும் தங்கள் கண்டனத்தை பதிவு செய்தனர். தொடர்ந்து அங்கு வைக்கப்பட்டிருந்த உயிரிழந்த ராணுவ வீரர்களின் படத்திற்கு மலர் தூவி அஞ்சலி செலுத்தினர்.நிகழ்ச்சியில் 300 க்கும் மேற்பட்டோர் தனி மனித இடைவெளியுடன் நின்று பங்கேற்றனர்.
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 163 வது நிறுவனர் நாள் விழா
இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!
ஜெம் மருத்துவமனையின் தலைவர் டாக்டர். சி.பழனிவேலுவுக்கு ஜப்பான் தொராசிக் அறுவை சிகிச்சை சங்கத்தின் கௌரவ உறுப்பினர் அங்கீகாரம்
For English News
