October 15, 2019 
தண்டோரா குழு
கோவை மாவட்டம் கணியூர் சுங்கச்சாவடி அருகே, இளைஞரை கத்தியால் குத்திவிட்டு 30 லட்சம் ரூபாய் பணம் பறித்துச் செல்லப்பட்ட சம்பவம் பரபரப்பை ஏற்படுத்தியுள்ளது. இது தொடர்பாக கருமத்தம்பட்டி காவல்துறையினர் விசாரணை மேற்கொண்டு வருகின்றனர்.
திருப்பூர் மாவட்டம் அவினாசி பகுதியை சேர்ந்த்தமிழரசன், சிவராஜ் ஆகியோர் இன்று இரவு புல்லட் இரு சக்கர வாகனத்தில் கோவை நோக்கி வந்து கொண்டிருந்தனர்.
இவர்களது வாகனத்திற்கு முன்பு FZ இருசக்கர வாகனத்தில், கோவையை சேர்ந்த தர்ஷன், ராகுல் குமார் ஆகியோர் சென்று கொண்டிருந்தனர்.
கணியூர் சுங்கச்சாவடி அடுத்துள்ள மேம்பாலம் அருகே இரு சக்கர வாகனங்கள் வந்து கொண்டிருந்த போது, தமிழரசன், சிவராஜ் வந்த இருசக்கர வாகனம் தர்ஷன், ராஜ்குமார் சென்ற இரு சக்கர வாகனத்தின் மீது மோதியது. இதில் 4 பேரும் கீழே விழுந்து காயமடைந்தனர்.
அப்போது அங்கு அவர்களை பின்தொடர்ந்து 4 இரு சக்கர வாகனத்தில் வந்த நபர்கள் ராகுல்குமாரின் முதுகில் கத்தியால் குத்திவிட்டு அவரிடம் இருந்த 30 லட்சம் ரூபாயை பறித்துச் சென்றனர்.
இந்நிலையில் கத்திகுத்து காயமடைந்த ராகுல்குமார் மற்றும் விபத்தில் படுகாயமடைந்த தர்ஷன்,தமிழரசன், சிவராஜன் ஆகியோரை அவ்வழியாக சென்றவர்கள் மீட்டு மருத்துவமனைக்கு அனுப்பி வைத்தனர். ராகுல் குமார் கோவை அரசு மருத்துவமனையிலும், மற்ற 3 பேரும் ஒண்டிப்புதூரில் உள்ள தனியார் மருத்துவமனையிலும் சிகிச்சைக்காக சேர்க்கப்பட்டுள்ளனர். இந்த சம்பவம் தொடர்பாக கருமத்தம்பட்டி காவல்துறையினர் விசாரணை மேற்கொண்டு வருகின்றனர். மேலும் ராகுல் குமார் கொண்டு வந்த பணம் யாருடையது என்பது குறித்தும் கொள்ளையடித்து சென்றவர்கள் யார் என்பது குறித்தும் கருமத்தம்பட்டி போலீசார் விசாரணை மேற்கொண்டு வருகின்றனர். தேசிய நெடுஞ்சாலையில் இரவு நேரத்தில் நடைபெற்ற இந்த கொலை சம்பவம் பரபரப்பை ஏற்படுத்தியுள்ளது.
இந்தியாவிலேயே முதல்முறையாக KMCH மருத்துவமனைக்குடிலாய்ட் நிறுவனத்தின் கவுரவ விருது!
டிஜிட்டல் கைது’ மோசடிக்கு எதிராக என்பிசிஐ மக்களிடம் விழிப்புணர்வு ஏற்படுத்துகிறது
பண்டிகை கால கடன் விகிதம் 27 சதவீதம் அதிகரிப்பு, பஜாஜ் நிதி நிறுவனத்தில் முதல் முறையாக கடன் வாங்குபவர்களின் எண்ணிக்கை 52 சதவீதமாக உயர்வு
இதுவரை இல்லாத அளவு 2025 ஆம் ஆண்டில் 10 மாதங்களுக்குள் அதிக விற்பனை செய்து ஸ்கோடா ஆட்டோ இந்தியா சாதனை
அதிக உடல் எடையை அதிநவீன மருத்துவ தொழில்நுட்ப வசதிகளுடன் குறைக்க மைனஸ் கிளினிக் கோவையில் துவக்கம்
சென்னையில் பிரபலமான கஃபே டி கோவை பீளமேட்டில் திறப்பு !
For English News
