June 26, 2020
தண்டோரா குழு
சாத்தான்குளம் சித்திரவதை மரணங்களை கண்டித்தும் காவல் துறையினர் மீது நடவடிக்கை எடுக்க கோரியும் கோவையில் இன்று வணிகர் சங்க பேரமைப்பின் சார்பில் கடையடைப்பு போராட்டம் நடைபெற்றது.
தமிழ்நாடு வணிகர் சங்க பேரமைப்பு தலைவர் விக்கிரமராஜா நேற்றைய தினம் அறிவித்ததின் பெயரில் இன்று தமிழக முழுவதும் காலை முதல் கடையடைப்பு போராட்டம் நடந்து வருகிறது அதன் ஒரு பகுதியாக கோவை நகரில் ரங்கே கவுடர் வீதி ,செல்வபுரம், காந்திபுரம் ,சிங்கநல்லூர் உட்பட பெரும்பாலான மளிகைகடைகள் , டிபார்ட்மென்ட்டல் ஸ்டோர்கள் அடைக்கப்பட்டிருக்கிறது.வணிகர் சங்க பேரமைப்பின் போராட்டத்திற்கு ஆதரவு தெரிவித்து ஹோட்டல்கள், பேக்கரிகள் அடைக்கப்பட்டது. அதே போல் மருந்து கடைகளை மதியம்12 மணி வரை அடைக்கவும் மருந்து வணிகர் சங்கத்தினர் முடிவு செய்து அடைக்கப்பட்டுள்ளது.கோவையில் மட்டும் 50ஆயிரத்திற்கும் மேற்பட்ட கடைகள் அடைக்கப்பட்டு வெறிச்சோடி காணப்படுகிறது. மரணங்களை கண்டித்தும் காவல் துறையினர் மீது நடவடிக்கை எடுக்க கோரியும் இந்த கடையடைப்பு போராட்டம் நடந்து வருவதாகவும் வியாபாரிகள் தெரிவித்தனர்.