November 16, 2022 
தண்டோரா குழு
கோவையில் எலெக்ட்ரிக் வாகனங்களை வாங்கி பதிவு செய்வது அதிகரித்துள்ளதாகவும், ஒரே ஆண்டில் 4,253 வாகனங்கள் பதிவு செய்யப்பட்டுள்ளது.
கோவையில் தற்போது பெட்ரோல், டீசல் வாகனங்களுக்கு அடுத்த படியாக எலெக்ட்ரிக் வாகனங்களை பயன்படுத்துபவர்களின் எண்ணிக்கை அதிகரித்து வருகிறது. கோவை நகரில் கடந்த 2020-ம் ஆண்டு எலெக்ட்ரிக் வாகனங்களின் பதிவு 1,390 ஆக இருந்தது.
இந்த ஆண்டு இதுவரை 4,253 எலெக்ட்ரிக் வாகனங்கள் பதிவு செய்யப்பட்டுள்ளன. இதில் இருசக்கர வாகனங்கள் மட்டும் 3,884, கார்கள் உள்ளிட்ட 4 சக்கர வாகனங்கள் 369 ஆகும். இதில் அதிகபட்சமாக கோவை மத்திய பகுதி வட்டார போக்குவரத்து அலுவலகத்தில் மட்டும்1,261 எலெக்ட்ரிக் வாகனங்கள் பதிவு செய்யப்பட்டுள்ளன.
எலெக்ட்ரிக் வாகனங்களுக்கு அடுத்த ஆண்டு இறுதிவரை சாலை வரி கிடையாது. எனவே வாகன பதிவுகள் அதிகரித்துள்ளன. தற்போது பல்வேறு இடங்களில் பெட்ரோல் பங்குகள், ஓட்டல்களில் சார்ஜ் செய்யும் வசதிகளும் ஏற்படுத்தப்பட்டு வருகின்றன. இ-வாகனம் என்று அழைக்கப்படும் இந்த வாகனங்களுக்கு பச்சை நிறத்தில் நம்பர் பிளேட்டுகள் பொருத்தப்படுகிறது.
டீசல், பெட்ரோல் வாகனங்கள் ரூ.10 லட்சத்துக்கு மேல் வாங்கினால் 15 சதவீதம் சாலை வரியும், ரூ.10 லட்சத்துக்குள் வாங்கினால் 10 சதவீதமும் சாலை வரி வசூலிக்கப்படுகிறது என ஆர்.டி.ஒ. அதிகாரி ஒருவர் கூறியுள்ளார்.
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
For English News
