November 1, 2022 
தண்டோரா குழு
சென்னை வள்ளுவர் கோட்டத்தில், பாஜக மகளிர் அணி நிர்வாகிகளை அவதூறாக பேசிய திமுகவினரை கண்டித்து பாஜக மகளிர் அணி சார்பில் கண்டன ஆர்ப்பாட்டம் நடைபெற்றது. இதில் பாஜக மாநில தலைவர் அண்ணாமலை , மாநிலத் துணைத் தலைவர் கரு.நாகராஜன், சட்டமன்ற உறுப்பினர் நயினார் நாகேந்திரன் மற்றும் 300க்கும் மேற்பட்ட பாஜக மகளிர் அணி உறுப்பினர்கள் பங்கேற்றனர்.
இதற்கிடையில்அனுமதியின்றி கண்டன ஆர்ப்பாட்டம் நடத்தியதற்காக பாஜக மாநில தலைவர் அண்ணாமலை மற்றும் பாஜக மகளிர் அணி உறுப்பினர்களை காவல்துறையினர் கைது செய்தனர்.
இந்நிலையில்,அண்ணாமலை கைது
செய்யப்பட்டதை கண்டித்து கோவை சித்தாபுதூரிலுள்ள பாஜக அலுவலகத்தில் இருந்து காந்திபுரம் பேருந்து நிலையத்திற்கு பேரணியாக சென்று பாஜகவினர் ஆர்ப்பாட்டத்தில் ஈடுபட்டனர்.இதையடுத்து, ஆர்ப்பாட்டத்தில் ஈடுபட்ட நூற்றுக்கும் மேற்பட்ட பாஜகவினரை போலீசார் கைது செய்தனர்.
For English News
