July 26, 2017 
தண்டோரா குழு
கேரளாவில் அரசு ஊழியர்கள் ஆதார் எண்ணை பதிவு செய்யாவிட்டால் சம்பளம் கிடையாது என்று அம்மாநில அரசு அதிரடியாக அறிவித்துள்ளது.
கேரளாவில் அரசு ஊழியர்கள் தங்களது ஆதார் எண்ணை வரும் ஜூலை 31ம் தேதிக்குள் பதிவு செய்ய வேண்டும்,அவ்வாறு பதிவு செய்யாவிட்டால் அவர்களுக்கு சம்பளம் வழங்கப்படமாட்டாது என்று கேரள தலைமைச் செயலாளர் நளினி உத்தரவு பிறப்பித்துள்ளார்.
இந்த உத்தரவு தொடர்பாக சுற்றறிக்கை அனைத்து அரசு அலுவலகங்களுக்கும் அனுப்பப்பட்டு உள்ளது. இந்த உத்தரவில் அனைத்து அரசு ஊழியர்களும் தங்களது ஆதார், ரேஷன் கார்டு,மற்றும் பான்கார்டு போன்றவற்றின் நகல்களை தாங்கள் பணிபுரியும் அரசு அலுவலகங்களில் வருகிற 31ம் தேதிக்குள் கண்டிப்பாக ஒப்படைக்க வேண்டும். அப்போது தான் அவர்களுக்கு சம்பளம் வழங்கப்படும் என்று குறிப்பிடப்பட்டு உள்ளது.
For English News
