July 19, 2017 
தண்டோரா குழு
திமுக செயல் தலைவர் ஸ்டாலின் சென்னையில் சட்ட விரோதமாக குட்கா, பான் மசாலா விற்பனை நடைபெறுவதாக கூறி தடை செய்யப்பட்ட குட்காவை எடுத்து சட்டபேரவையில் காண்பித்தார்.
தமிழக சட்டபேரவை கூட்டம் இன்று நடைபெற்றது. அப்போது திமுக செயல் தலைவர் மு.க.ஸ்டாலின் சென்னையில் சட்ட விரோதமாக குட்கா, பான் மசாலா விற்பனை நடைபெறுவதாக கூறி தடை செய்யப்பட்ட குட்காவை எடுத்து சட்டபேரவையில் காண்பித்தார்.
அப்போது முதல்வர் பழனிசாமி, தடை செய்யப்பட்ட குட்காவை சட்டசபைக்கு எப்படி கொண்டு வரலாம்? அதனை போலீஸ் ஸ்டேசனில் ஒப்படைத்திருக்க வேண்டும். தடை செய்யப்பட்ட குட்காவை கொண்டு வந்தது சட்ட விரோதம் எனக் கூறினார்.
பின்னர் சபாநாயகர் தனபால்,தடைசெய்யபட்ட பொருளை பேரவைக்கு கொண்டுவந்ததாக மு.க.ஸ்டாலின் மீது உரிமை மீறல் புகார் தெரிவித்தார்.இதனையடுத்து சட்டசபையிலிருந்து திமுகவினர் வெளிநடப்பு செய்தனர்.
பின்னர் செய்தியாளர்களிடம் பேசிய மு.க ஸ்டாலின்,
அமைச்சர், போலீஸ் அதிகாரிகள் ஆதரவுடன் குட்கா விற்பனை நடப்பதை வெளிக்காட்டவே குட்காவை கொண்டு வந்தேன்.லஞ்சம் பெற்று கொண்டு குட்கா விற்க அனுமதி அளித்த சுகாதார அமைச்சரை பதவி நீக்கம் செய்ய வேண்டும்.
சென்னையில் எந்தெந்த கடைகளில் குட்கா விற்பனை செய்யப்படுகிறது என்பது குறித்து திமுக ஆய்வு செய்தது. குட்கா பல கடைகளில் தாரளாமாக கிடைக்கிறது. ஆனால் இது குறித்து பேச பேரவையில் அனுமதி கிடைக்கவில்லை. எனவே வெளிநடப்பு செய்தோம் என்றார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
