August 4, 2017 
தண்டோரா குழு
குஜராத்தில் காங்கிரஸ் துணைத்தலைவர் ராகுல்காந்தி கார் மீது மர்ம நபர்கள் கல் வீசி தாக்குதல் நடத்தியதால் அப்பகுதியில் பரபரப்பு ஏற்பட்டுள்ளது.
காங்கிரஸ் துணைத்தலைவர் ராகுல்காந்தி குஜராத்தில் கடும் வெள்ளத்தால் பாதிக்கப்பட்ட பகுதிகளை பார்வையிட சென்றார். அப்போது, தனீரா பகுதியில், ராகுல்காந்திக்கு எதிராக கறுப்புக்கொடி காட்டி ஆர்ப்பாட்டம் நடத்தினர்.
இதனைத்தொடர்ந்து, ராகுல்காந்தி பன்ஸ்கந்தா பகுதியில் வந்த போது அவரது கார் மீது மர்ம நபர்கள் கல் வீசி தாக்குதல் நடத்தினர்.
இதில் அவரது கார் கண்ணாடி நொறுங்கியது. எனினும் ராகுல்காந்திக்கு எந்த காயமும் ஏற்ப்படவில்லை. இதற்கு கண்டனம் தெரிவித்துள்ள காங்கிரஸ் கட்சியினர் பாஜகவினர் தான் திட்டமிட்டு கல் வீசி தாக்குதல் நடத்தியாக குற்றம் சாற்றினர். மேலும், இது குறித்து முதல்வர் பதில் அளிக்க வேண்டும். இந்த செயலை ஏற்க முடியாது. கல்வீச்சில், ராகுல் பாதுகாவலர் ஒருவர் காயமடைந்துள்ளதாக கூறியுள்ளனர்.
இச்சம்பவத்தால் அப்பகுதியில் பரபரப்பு ஏற்பட்டுள்ளது.
For English News
