May 13, 2024 
தண்டோரா குழு
கோவைப்புதூரில் உள்ள ஸ்ரீ கிருஷ்ணா தொழில்நுட்பக் கல்லூரியின் விளையாட்டு மைதானத்தில், இரண்டாவது ஸ்ரீ கிருஷ்ணா டிராபி 2024 -மாநில அளவிலான பொறியியல் கல்லூரிகளுக்கு இடையேயான கிரிக்கெட் போட்டி நடைபெற்றது.
இக்கிரிக்கெட் போட்டி ஆசிரியர்களுக்காக ஏற்பாடு செய்யப்பட்டுள்ளது.
இக் கிரிக்கெட் போட்டியை ஸ்ரீ கிருஷ்ணா கல்வி நிறுவனங்களின் அறங்காவலர் கே.ஆதித்யா துவக்கி வைத்தார். இப்போட்டிகளில் எஸ்என்எஸ் இன்ஜினியரிங்,பாவை இன்ஜினியரிங், ஸ்ரீ சக்தி இன்ஜினியரிங்,அக்ஷயா இன்ஜினியரிங், ஹிந்துஸ்தான் இன்ஜினியரிங் கல்லூரி, கேபிஆர் இன்ஜினியரிங், நேரு இன்ஜினியரிங், ஆர்விஎஸ் திண்டுக்கல், பண்ணாரி அம்மன் இன்ஸ்டிடியூட் ஆப் டெக்னாலஜி, டாக்டர்.மகாலிங்கம் பொறியியல் மற்றும் தொழில்நுட்பக் கல்லூரி, ஸ்டடி வேர்ல்டு இன்ஜினியரிங் கல்லூரி, ஸ்ரீ கிருஷ்ணா தொழில்நுட்பக் கல்லூரி மற்றும் விவேகானந்தா கல்லூரிகள் அணிகள் பங்கேற்கும்.
இதனிடையே, ஸ்ரீ கிருஷ்ணா கல்வி நிறுவனங்களின் தலைவர் மற்றும் நிர்வாக அறங்காவலரான எஸ்.மலர்விழி அணியினரை வெற்றி பெற வாழ்த்தினார் . மேலும் இக் கல்லூரியின் முதல்வர் முனைவர் எம்.ஜி.சுமித்ரா வரவேற்று, வீரர்களை ஊக்கப்படுத்தினார். இத் தொடக்க நிகழ்ச்சிக்கு ஸ்ரீ கிருஷ்ணா கல்வி நிறுவனங்கள் குழும இயக்குநர் முனைவர் .சி.என்.நாராயணா தலைமை வகித்து வீரர்களுடன் பேசினார். ஸ்டடி வேர்ல்ட் இன்ஜினியரிங் கல்லூரி முதல்வர் முனைவர். கோமதி இவ் விழாவில் பங்கேற்றார். இந்த நிகழ்ச்சியில் பல்வேறு துறை தலைவர்கள், பேராசிரியர்கள், மாணவ, மாணவியர் உட்பட பலர் கலந்து கொண்டனர். இக்கல்லூரியின் உடற்கல்வி இயக்குநர் சி.மாரிசெல்வம் போட்டிகளையும் ஒருங்கிணைத்தார்.
தொடக்க நாளில் இரண்டு போட்டிகள் ஸ்ரீ கிருஷ்ணா தொழில்நுட்பக் கல்லூரி மற்றும் எஸ்என்எஸ் பொறியியல் கல்லூரி இடையேயும், பிற்பகல் போட்டிகள் இந்துஸ்தான் பொறியியல் மற்றும் கே பி ஆர் பொறியியல் கல்லூரிகளுக்கு இடையேயான நடைபெறும். இந்தப் போட்டிகள் இம்மாதம் 26ஆம் தேதி வரை அனைத்து சனி மற்றும் ஞாயிற்றுக் கிழமைகளில் நடைபெறும். இந்த கோப்பை ரோலிங் டிராபி, சிறந்த பேட்ஸ்மேன், சிறந்த பந்து வீச்சாளர், வளர்ந்து வரும் வீரர், மிகவும் மதிப்புமிக்க வீரர் மற்றும் போட்டியின் வீரர் ஆகியவற்றை அங்கீகரிக்கும்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
